غزہ جنگ کے بعد اسرائیلی حکومت میں شدید اختلافات پیدا ہوگئے

فلسطین کے علاقے غزہ کی پٹی پر اسرائیلی فوج کی مسلط کردہ جنگ کے تباہ کن نتائج اور اثرات اب صہیونی ریاست پر بھی صاف ظاہر ہونے لگے ہیں۔

جنگ کی حمایت اور مخالفت کے باعث پہلے ہی اسرائیلی حکومت میں دو آراء پائی جا رہی تھیں لیکن اب وزیر اقتصادیات نے کھلے لفظوں میں تسلیم کیا ہے کہ غزہ جنگ نے حکومت میں گہرے اختلافات کو جنم دیا ہے۔

مرکز اطلاعات فلسطین کے مطابق ایک انٹرویو میں اسرائیلی وزیر اقتصادیات اور “جیوش ہوم” پارٹی کے چیئرمین “نفتالی بینیٹ” نے کہا کہ غزہ پر فوج کشی کے حوالے سے اسرائیلی حکومت کے اندر تصادم کی کیفیت ہے۔ جنگ کے حامی اور مخالفین ایک دوسرے سے مسلسل الجھ رہے ہیں اور جنگ میں ہونے والی ناکامیوں کی ذمہ داری ایک دوسرے پر ڈالی جا رہی ہے۔

خیال رہے کہ غزہ جنگ کے بارے میں اس سے قبل اسرائیلی وزیراعظم بنجمن نیتن یاھو اور وزیردفاع موشے یعلون کے درمیان اختلافات کی خبریں بھی آئی تھیں۔

مرکز اطلاعات فلسطین