- سنی آن لائن - http://sunnionline.us/urdu -

برقعہ پوش مسلم خاتون کو گاربیچ سے تشبیہ پر ٹوری پارٹی کا کاؤنسلر معطل

برقعہ پوش خاتون اور بچی کو گاربیج کے تھیلوں سے تشبیہ دینے پر برطانیہ کی ٹوری پارٹی کے کاؤنسلر کرس جو ہاننائیڈز کو معطل کردیا گیا ہے،

وہ اگلے بلدیاتی الیکشن میں بھی حصہ نہیں لے سکیں گے۔ غیر ملکی خبر رساں ادارے کے مطابق کرس جو ہاننائیڈز نارتھ لندن کے علاقے انفیلڈ سے کونسلر منتخب ہوئے تھے۔ انہوں نے برقعہ پوش خاتون اور بچی کی تصویر کو سماجی ویب سائٹ پر شیئر کرتے ہوئے بچی کو قریب پڑے گاربیج کے تھیلے سے تشبیہ دی تھی۔ ٹوری پارٹی نے انہیں بارہ ماہ کے لیے پارٹی سے نکال دیا ہے اور مئی میں ہونے والے بلدیاتی انتخابات میں بھی انہیں ٹکٹ نہ دینے کا اعلان کیا ہے۔ کنزریٹوپارٹی کے منتخب کونسلر کی جانب سے ایسے بیان پر مسلم کمیونٹی نے شدید ردعمل ظاہر کیا تھا۔

اردو ٹائمز