وسطی جمہوریہ افریقہ میں ہلاکتیں اندازوں سے دگنی

انسانی حقوق کی بین الاقوامی تنظیم ایمنسٹی انٹرنیشنل نے کہا ہے کہ وسطی جمہوریہ افریقہ میں ہلاک ہونے والوں کی تعداد اقوامِ متحدہ کے اندازوں سے دگنی ہے۔

تنظیم کا کہنا ہے کہ وہاں باغیوں نے دو دن کے عرصے میں 1,000 سے زائد افراد کو ہلاک کیا جن میں خواتین اور چھوٹے بچے بھی شامل ہیں۔
ایمنسٹی انٹرنیشنل کےمطابق قتل و غارت کے دوران عام شہریوں کے گھروں کو بھی لوٹا گیا اور وسطی جمہوریہ افریقہ میں جنگی جرائم بھی کیے جا رہے ہیں۔
عالمی تنظیم نے ایک پیغام میں اقوامِ متحدہ سے استدعا کی ہے کہ وہ قیامِ امن کے لیے ایک مشن وسطی جمہوریہ افریقہ بھیجے۔
جمہوریہ میں تشدد میں اضافہ اس وقت ہوا جب فرقہ وارانہ فسادات کے باعث بڑے پیمانے پر قتلِ عام کے خدشات سامنے آئے۔
وسطی جمہوریہ افریقہ میں مارچ میں سابق صدر فرانکوئس کے باغیوں کے ہاتھوں معزول کیے جانے کے بعد سے ملک کشیدگی کا شکار ہے۔
ایمنسٹی انٹرنیشنل نے اپنی رپورٹ میں کہا ہے کہ سابق باغیوں نے دارالحکومت بنگوئی میں عیسائیوں کی ہلاکت کے بدلے میں کم سے کم 1,000 افراد کو ہلاک کر دیا ہے۔
عالمی تنظیم کا یہ بھی کہنا ہے کہ وسطی جمہوریہ افریقہ میں ہلاک ہونے والوں کی تعداد اقوامِ متحدہ کے اندارزوں سے دگنی ہے۔
ایمنسٹی انٹرنیشنل نے کہا ہے کہ یہ ہلاکتیں اس وقت ہوئیں جب عیسائی ملیشیا بنگوئی کے کچھ علاقوں میں گئی اور ایک اندازے کے مطابق ملیشیا نے 60 مسلمانوں کو ماردیا۔
عالمی تنظیم کے مطابق بنگوئی میں فرانسیسی اور افریقی یونین کی موجودگی کے باوجود روزانہ عام شہریوں کو ہلاک کیا جا رہا ہے۔
ایمنسٹی انٹرنیشنل کے افریقی امور کے ماہر کرسچن موکوسا کا کہنا ہے کہ ان کی جانب سے اکھٹی کی جانے والی معلومات کے بعد اب اس بات میں کوئی شک نہیں کہ وسطی جمہوریہ افریقہ میں تمام جماعتوں کی جانب سے انسانیت کے خلاف جرائم جاری ہیں۔
ہیومن رائٹس واچ کی رپورٹ کے منصف پیٹربوکارٹ کے مطابق وسطی جمہوریہ افریقہ میں حالات قابو سے باہر ہوتے جا رہے ہیں۔

بی بی سی اردو

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago