Categories: مشرق وسطی

جولان: یو این کی بیس مبصرین یرغمال

اقوام متحدہ کا کہنا ہے کہ شام اور اسرائیل کے سرحدی علاقے جولان کی پہاڑیوں پر تیس مسلح باغیوں نے وہاں پر تعینات بیس مبصرین کو یرغمال بنا لیا ہے۔
اس سے قبل ایک ویڈیو انٹرنیٹ پر شائع کی گئی جس میں مسلح افراد جو اپنے آپ کو شام کے باغی کہہ رہے تھے اقوام متحدہ کی گاڑیوں کے قریب کھڑے ہیں۔
اقوام متحدہ کا کہنا ہے کہ مبصرین اس علاقے میں شام اور اسرائیل کے درمیان جنگ بندی پر نظر رکھنے کے لیے تعینات تھے۔ عالمی تنظیم کا کہنا ہے کہ ایک ٹیم کو اس علاقے کی جانب بھیج دیا گیا ہے۔
اقوام متحدہ کے نائب ترجمان نے کہا کہ مبصرین رسد پہنچانے گئے تھے جس وقت ان آبزرویشن پوسٹ 58 کے قریب روکا گیا۔
ترجمان نے کہا کہ اس پوسٹ کو پچھلے ہفتے اس وقت نقصان پہنچا تھا جب اس کے قریب شامی فوج اور باغیوں میں لڑائی چھڑ گئی تھی۔ تاہم انہوں نے مزید تفصیلات نہیں دیں۔
ویڈیو پر باغیوں نے مطالبہ کیا ہے کہ اقوام متحدہ کے اراکین اس وقت تک رہا نہیں کیے جائیں گے جب تک شامی فوجیں جملا گاؤں خالی نہیں کرتیں۔
دوسری جانب فری سیریئن آرمی نے اقوام متحدہ کے اراکین کو یرغمال بنائے جانے کی مذمت کی ہے۔ تنظیم کے رہنما جنرل سلیم ادریس نے بی بی سی کو بتایا کہ وہ اقوام متحدہ کے اراکین کی رہائی کے لیے ہر ممکن کوششیں کریں گے۔
اقوام متحدہ کی سکیورٹی کونسل نے بھی اراکیم کے یرغمال بنائے جانے کی مذمت کی ہے۔

بی بی سی اردو

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago