شام کے وزیراعظم منحرف ہوگئے

دمشق(بى بى سى) شام کے وزیراعظم ریاد حجاب کے ترجمان کا کہنا ہے کہ وہ صدر بشارالاسد کی حکومت کا ساتھ چھوڑ کے انقلاب کا حصہ بن گئے ہیں۔
منحرف ہونے والے شامی وزیراعظم کا تقرر دو ماہ قبل کیا گیا تھا اور مارچ دو ہزار گیارہ میں شامی حکومت کے خلاف تحریک کے آغاز کے بعد وہ حکومت کا ساتھ چھوڑنے والے سب سے اعلیٰ اہلکار ہیں۔
ریاد حجاب کا تعلق مشرقی شام میں دیر الزور کے علاقے سے ہے اور اطلاعات ہیں کہ انہوں نے اپنے اہلِ خانہ کے ہمراہ ملک چھوڑ دیا ہے۔
ان کے ترجمان محمد العطری نے الجزیرہ ٹی وی کو بتایا ہے کہ وہ ایک محفوظ مقام پر ہیں۔