Categories: مشرق وسطی

یمنی اپوزیشن کا شدید لڑائی کے بعد “تغز” شہر پر قبضہ

صنعا(العربیہ ڈاٹ نیٹ، ایجنسیاں)یمن کے جنوبی شہر تغز میں قبائلی جنگجوٶں اور سرکاری فوج کے درمیان گھمسان کی لڑائی کے بعد جنگجوٶں نے شہر پر قبضہ کر لیا ہے۔
فرانسیسی خبر رساں ایجنسی ” اے ایف پی” کے مطابق “تغز” میں حکومت مخالف قبائلی جنگوٶں اور علی عبداللہ صالح کی فوجوں کے درمیان گھمسان کی جنگ ہوئی جس میں دو طرفہ فائرنگ کے نتیجے میں کئی افراد کی ہلاکت کی بھی اطلاعات ہیں۔ تغز میں حکومت مخالف قبیلے کے سربراہ الشیخ حمد سعید المخلافی کا کہنا ہے کہ ان کے جنگجوٶں نے سرکاری فوج کو شدید مزاحمت کے بعد شہر سے باہر دھکیل دیا ہے۔ قبائلی رہ نما کا کہنا تھا کہ وہ سرکاری فوج کے خلاف سخت لڑائی لڑنے کے لیے تیار ہیں اور اب صدر صالح کی فوجوں کو شہر پر قبضہ نہیں کرنے دیا جائے گا۔
ادھر ملک کے جنوبی شہر زنجبار میں حالات بدستور کشیدہ ہیں۔ صدر علی عبداللہ صالح کی فورسز القاعدہ سے شہر کا کنٹرول واپس لینے کے لئے مسلسل حملے کر رہی ہیں تاہم منگل کے روز ہونے والی لڑائی میں فوج کو شدید مزاحمت کا سامنا کرنا پڑا ہے۔ منگل کو زنجبار میں القاعدہ اور سرکاری فوج کے درمیان جھڑپوں میں کم سے کم 09 فوجی اور چھے القاعدہ جنگجو مارے گئے تھے۔
درایں اثناء صنعاء میں برطانوی ہائی کمشن نے بتایا ہے کہ شاہی بحری دستے دو کشتیوں میں یمنی ساحل پر گشت کر رہے ہیں۔ ذرائع کے مطابق یمن کے ساحل پر برطانوی بحریہ کے دو بحری جہازوں کو دیکھا گیا ہے جن پر کم سے کم 80 فوجی سوار تھے۔ برطانوی ہائی کمشن نے یہ نہیں بتایا کہ یہ فوجی یمن سے اپنے شہریوں کو محفوظ مقامات پر منتقل کرنے کے لیے آئے تھے یا ان کا مقصد سرکاری فوج کو جنگجوٶں کے خلاف کمک فراہم کرنا تھا۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago