شیراز ءِ 16می میان‌اُستمانی دل ءُ رگانی کانگریس ءَ بلوچ زالبولێں ڈاکٹراں سربرز بوت انت

دو جنێنێں ڈاکٹر په نام «عاطفه بامری‌نژاد» ءُ «فاطمه بامری‌نژاد» که جازموریان ءِ نندۆک انت، ماں میان‌رۆدرآت ءِ 16می میان استمانی دل ءُ رگانی کانگریس ءَ، دل ءُ رگانی باروا علمی نبشتانک پێش اش داشت که ماں اے پڑا ممتازێں درجه ءَ کٹ ات ءُ بلۆچ ءِ نام ءَ ماں علمی دیواناں برز اش کرت.

فاطمه ءُ عاطفه بامری‌نژاد جاڑ انت که ماں 1395(2016) ءِ سراسری کنکور ءَ 37 ءُ 88 ءِ درجه ءَ کٹ ات ءُ ڈاکٹری ءِ پڑا دێم ءَ شت انت.

همےرنگ «عاطفه بامری‌نژاد» دنیا ءِ جۆڑێنۆکانی میان‎استمانی فدرێشن ءِ باسک انت.