مولانا عبدالحمید ءِ بیانیه اسماعیل هنیه ءِ ترور ءُ شهید کنگ ءِ باروا

شیخ‌الاسلام مولانا عبدالحمید گۆں بیانیه ءِ شنگ کنگ ءَ حماس ءِ سیاسی بھر ءِ سرۆک اسماعیل هنیه ءِ «بزدلی ئێں ترور» ءَ سک اێر جتگ ءُ شه اے وڑێں کارانی خطرناکێں آسر ءُ «جنگ ءِ آچه ءِ شنگ کنگ ءَ ماں تیوگێں دمگ ءَ» ڈاه دات.

په سنی‌آنلاینءِ سرهال ءَ واجه ءِ بیانیه اے وڑ انت:

بسم‌الله‌الرحمن‌الرحیم

«مِنَ المُؤمِنينَ رِجالٌ صَدَقوا ما عاهَدُوا اللَّهَ عَلَيهِ فَمِنهُم مَن قَضىٰ نَحبَهُ وَمِنهُم مَن يَنتَظِرُ وَما بَدَّلوا تَبديلًا» [احزاب: ۲۳]

حماس ءِ سیاسی بھر ءِ سرۆک، اسماعیل هنیه ءِ بزدلی ئێں ترور ماں اے جاور ءَ که فلسطین ءِ مردم ءُ هاس غزه ءِ مظلوماں دار انت، سکێں دلبرێجۆکێں هالے ات که دنیا ءِ آمیدلۆٹ ءُ آزاتی لۆٹانی پرێشان ءُ تکانسر کرت. من اے بیمکاری کرد ءَ سک اێر جن آں ءُ اے گرانێں تاوان ءَ آیی عزتمندێں لۆگمان ءُ فلسطین ءِ مظلومێں استمان ءُ آزاتێں مردمان ءَ دل‌تسلایی گوش آں. الله پاک شهید هنیه ءِ درجه ءَ برز به کنت ءُ فلسطین ءِ مردم ءُ آزاتی لۆٹۆکان ءَ گهترێں بدلے دنت.

انوگێں زمانگ ءَ که دمگ ءِ جاور سک نگێگ انت، اے وڑیں رستری ءُ شۆرێنۆکێں کاراں سرجمێں جنگے ءِ آچش ءَ رۆشن کنت. تاں دێر نه بوتگ ءُ جاور شه دست ءَ در نه کپتگ، المی انت که میان‌اُستمانی دیوان ءُ دنیا ءِ بااثریں راجاں، فلسطین ءِ جیڑھ ءِ منصفانه ئێں گێش ءُ گیوار ءُ اے دێرێں جیڑھ ءِ ھلاس کنگ ءَ زوتێں گامگیجے به زور اَنت.

📝 (مولانا) عبدالحمید

زاهدان ءِ آدێنگ ءِ امام

۱۰ مرداد ۱۴۰۳