گوستگێن رۆچاں بازێن بلوچے شه سیستانءُبلۆچستان ءِ نندۆکاں ماں ملک ءِ بندیجاهاں پاهو دیگ بوتگ انت. پنچ رۆچے تها کم ته کم ۲۰ نپر پاهو دیگ بوتگ انت.
مردمی سرهالانی رد ءَ گێشتری مردماں که دو جنێن هم هوار بوتگ انت، په نشه باپاری ءِ بھتام ءَ پاهو دیگ بوتگ انت. اے مردمان ماں زاهدان، بیرجند، تربت جام، مشهد، بندرعباس، یزد، میناب ءُ ایرانشهر ءِ بندیجاهاں پاهو دیگ بوتگ انت ءُ لهتێنے ءِ لۆگمان هم سهی نه بوتگ انت.
بلوچانی بازێن پاهو دیگ په نشه باپاری ءِ بھتام ءَ سبب بوتگ که لس مردمان پرێشان بےانت.
اێشرا هم گوش اێں که گێشتری مردماں که پاهو دیگ بوتگ انت جن ءُ زهگے واهند ءُ شه سیستان ءُ بلوچستان ءِ وڑوڑێن شهراں بوتگ انت.