اۆگانستان ءِ سرۆکاں سیستان ءِ آپے بارو ءَ هاسێن دلگۆشے کن انت

شیخ‌الاسلام مولانا عبدالحمید ماں زاهدان ءِ جمعه نمازے دیوان ءَ (25 شهریور 1401) گۆں اشاره به هیرمند ءِ بهر ءَ شه اۆگانستان ءِ آپ ءَ درشان کرت:
مرمانی مهمترین ءُ اۆلی زلورت آپ انت. منی سۆگه په اۆگانستان ءِ ذمه‌واراں اێش انت که سیستان ءِ آپے بارو ءَ هاسێں دلگۆشے کن انت.
واجه ءَ گێش کرت: وهدےکه سیستان ءِ چاه‌نیمهاں هشک بیان ات انت مردماں گۆں زاری ءُ زرمت ءَ په هورے گوارگ ءَ دعا کرت؛ پچےکه اگه اے ڈیه ءِ آپ هلاس بیت گڑا مردماں سرگردان بےانت ءُ شه استمان ءُ سرکارے دست ءَ کارے نه بیت.
زاهدان ءِ جمعه ءِ خطیب ءَ گوشت:
هورے که ماں اے موسم ءَ گوار ات هرچۆن که لهتێن جاهاں نقصان دات بلێن بازێن جاها رحمتے ات، آپ‌بنداں سررێچ بوت انت ءُ بازێن شهرانی آپ تیار بوت. ماں اۆگانستان ءَ هم بازێن آپے مچ بوت.
مولانا عبدالحمید دێمتر ءَ گوشت: مئے لۆٹ شه اۆگانستان ءِ ذمه‌واراں همێش انت که مه هل انت ترمپے شه هورانی آپاں نقصان بیت ءُ بےپۆکێن جاهاں بروت. اے آپے حفاظت باز هژدری ئێن کارے ءُ شه دین ءَ انت.
واجه ءَ سک سۆگه کرت که اے لس مردمانی لۆٹ انت که اۆگانستان ءِ ذمه‌واراں سیستانے آپ ءَ دےانت. منی لۆٹ اێش انت که آپ ءِ بن‌گپ سیاسی مه بیت، به هل ات تاں آپ بێت ءُ شه اے بابت ءَ هچ مه ترس ات، بلکه سدک کن ات که هرچی شما دےات الله چنکه کساسے شما را دنت، ما اێشرا آزموتگ.