- سنی آنلاین - http://sunnionline.us/balochi -

مولانا عبدالحمید ءُ رمبے شه اهل‌سنتێں پاگواجهانی نیاد گۆں راجکماش ءَ

سنی‌آنلاین| شیخ‌الاسلام مولانا عبدالحمید ءُ رمبے شه ملک ءِ وڑوڑێں ڈیهانی اهل‌سنتێں پاگواجهاں زی چارشمبی ءَ (21 اردیبهشت 1401) ماں تهران ءَ گۆں آیت‌الله ابراهیم رئیسی، ملک ءِ راجکماش ءَ نیاد کرت.

🔸ماں اے اهل‌سنتێں پاگواجهانی نیاد ءَ گۆں راجکماش ءَ «اهل‌سنتانی مشکل ءُ گڑتی»، «اهل‌سنتانی بودێنانی کارگرگ ماں ملک ءِ مدیریتی مقاماں»، «مردمانی اقتصادی ءُ رۆزیگی مشکلانی دلگۆش کنگ» ءُ «سیمسری استانانی بنیادی نیاز ءُ زیرساختانی تیار کنگ ءُ آ استانانی ورنائانی بےکاری ءِ توجیل» ءِ بارو ءَ گپ بوت ءُ سک تأکید اش کرت.

🔸شیخ‌الاسلام مولانا عبدالحمید ماں اے یک‌ءُنێم ساعتی ئێں نیاد ءَ گێش شه برزگ ءِ مسائلاں، گۆں اشاره به اهل‌سنتانی گڑتیاں، په «گێشترێں مذهبی آزاتی ءُ محدودیت ءُ مشکلانی دور کنگ ءَ» سکّ سۆگه ئِے کرت ءُ شه سیزدمی سرکار ءَ لۆٹ ات ئِے اهل‌سنتانی مشکل ءُ گڑتیانی توجیل ءِ بارو ءَ گێشتر دلگۆش کنت.