په سنیآنلاین ءِ سرهال ءَ شیخالاسلام مولانا عبدالحمید درشان کرت: ملک ءِ اهلسنتێں پاگواجهاں په ملک ءِ امنیت ءُ دێمداری شه اختلافاں پکّا همدل انت. اهلسنتانی پاگواجهاں راجی ءُ مذهبی جنگانَ سکّ اێر جن انت ءُ رد کن انت.
زاهدان ءِ جمعه ءِ امام ءَ گێش کرت: مئے دیدانک ءِ رد ءَ هرکس وتی عقیده ءِ بارو ءَ آزات انت ءُ هچ کس حق نه دار ایت به دگرانی مذهب یا مال ءُ جان ءَ یا دین ءُ مذهبانی مقدساتاں تعرض کنت.
مولانا عبدالحمید وتی هبرانی دێمتر ءَ گوشت: اهلسنتاں ماں وڑ وڑێں پڑاں چۆ «مذهبی آزاتی» ءُ «اهلسنتانی بۆدێنانی کار گرگ» ءَ مشکل دار انت که باید گۆں ترانکاری ءُ شه کانودی راهاں رندگیری بےانت. اهلسنتانی سجهێں پاگواجهاں اے بارو ءَ تپاک دار انت.
دارالعلوم زاهدان ءِ سرمستر ءَ سکّ سۆگه کرت که: ما یکّویی ءُ امنیت ءَ سات اێں ءُ نه هل اێں که اختلاف ءُ ناامنی جۆڑ بیت، بلێں وتی کانودی حقانَ هم لۆٹ اێں.
واجه شیخالاسلام ءَ همےپێم درّائێنت: مولانا فضل الرحمان ءِ دیدانک ءُ گپاں گۆں آدگه اهلسنتانی پاگواجهانی گپاں یکے انت، البت بیتکنت که لهتے شه واجه ءِ انتقاداں ترندتر ءُ ٹکاٹک بوتگ انت، بلێں مئے باور همێش انت که مولانا کوهی ناصح ءُ خیرلۆٹێں پاگواجه ئے. ما امیتوار اێں که واجه زوت آزات بیت ءُ دوارگ گۆں سبکّ ءُ وانێنگ ءَ گٹ بیت.
جا: پشامگ ءِ انوارالحرمین وانگجاه. رمس: ۲ فروردین ۱۴۰۱