- سنی آنلاین - http://sunnionline.us/balochi -

حفظ و قرائتءِ نوزدهمی ملکی مسابقه برجم دارگ بوت

سنی‌آنلاین| حفظ و قرائتءِ نوزدهمی ملکی مسابقه سے‌شمبی ءُ چارشمبی ءَ (28ـ29 دی‌ماه 1400) ماں دارالعلوم زاهدان ءَ برجم دارگ بوت.

په سنی‌آنلاین ءِ سرهال ءَ ماں اے مسابقه ءَ 150 نپر شه ملک ءِ وڑ وڑێں ڈیهاں ماں پنچ بهر حفظ کل ورنا، حفظ کل نۆک ورنا، حفظ پانزده‌ جزء نۆک ورنا، حفظ پنچ جزء گونڈێں زهگان، گۆں وت مسابقه دات.

په اے مسابقه ءِ داوری ءَ شه سیستان ءُ بلوچستان، خراسان، کردستان ءُ هرمزگان ءِ زبردستێن داوراں کارگرگ بوت.

اے دیوان ءِ دیم درائی گۆں کردستان ءِ قاری، محمدامین اسدی ءِ قرائت ءُ مولانا مفتی محمدقاسم قاسمی ءِ گُشتانک ءَ بنگێج بوت. اے مسابقه چارشمبی ءِ شام ءَ (29 دی ماه) هلاس بوت. اے مسابقه ءِ گڈی دیوان برابر ات گۆں ایران ءِ اهل‌سنتانی بیستءُپنچمی فقهی دیوان ءَ که آ دیوان ءِ باسکان هم بهر زۆرت.

اے مسابقه گۆں خراسان جنوبی ءِ قاری، سید عبدالمجید موسوی شه ملک ءِ زبردستێں قاریانی قرائت ءُ واجه شیخ‌الاسلام ءِ گشتانک ءَ هلاس بوت. ماں اے دیوانءِ گڈسرءَ باج برۆکێں حافظ و قاریانی نام وانگ بوت ءُ داد دیگ بوت اَنت.