- سنی آنلاین - http://sunnionline.us/balochi -

تعصب ءَ به هلّ اِت

شه سنگت، پاگواجه ءُ آیت‌الله ئاں لۆٹ آں که ترۆندی مه کن اِت. تاں نون باز شعار اِش داتگ ءُ گوشتگ اِش که شیعه ءُ سنی دینی ئێں براس انت. بیا اِت وتی براسی ءَ نشان دےات ءُ وتی هبر ءَ گۆں کردار ءَ ثابت کن ات. هر حق ءُ گهتری ئے که په شیعه ئان لۆٹ ات په اهل‌سنت ءُ دگه ایرانی ئێں براسان که کم انت، هم لۆٹ اِت. اگاں نبیس اِت که مذهب جعفری اثناعشری رسمی انت، په اهل‌سنتے مذهب ءَ هم به نبیست که رسمی انت.

جار ءَ جن اَنت که اهل‌سنتانی مذهب محترم ءُ معتبر انت، ما نه لۆٹێں که بس مئے مذهب ءَ محترم ءُ معتبر زان اِت، ما لۆٹ اێں مئے مذهب هم چۆ شیعه ئے مذهب ءَ ارزشت دیگ بیت ءُ مئے ملکی ءُ مذهبی حقان ءَ دےات. وتی دلان ءَ پراه کن اِت ءُ دینی ءُ مذهبی اقلیتان ءَ وتی کرّ ءَ دار ات ءُ گۆں وت سات ات.