گسانی ڈالێنگے بدلءَ باید اول قانون‌پرۆشیانی دێم گرگ بیت

شیخ‌الاسلام مولانا عبدالحمید ماں زاهدانءِ جمعه نمازءِ دیوانءَ (2 مهر 1400/ 24 سپتمبر 2021) گۆں اشاره به زاهدانءِ «قاسم‌آبادِ» منطقه ئے گسانی ڈالێنگءَ گوشتِ: قاسم‌آبادءِ مردمانی گسانی ڈالێنگ ۆ انتظامی واکانی کردار گۆں یک گهارے باز دلانءَ په دردی کرت. ما امێتوار اێں که آ واکان که اے بدێں کردانءَ کرتگ شه ذمه‌وارانی نێمگءَ سرءُسۆج ۆ جزا دیگ بےاَنت.

واجهءَ درشان کرت: منی هبر گۆں شهرداری، منابع طبیعی، بنیاد مسکن ۆ آدگه ادارهاں اێش اِنت که گسانی ڈالێنگ باز رڈێں کارے، ڈالێنگے بدلءَ شه هما اولءَ مه‌هلّ اِت که کسے کانودءَ پرۆش ایت، وتی واکانءَ گێشتر زر دَےاِت تاں که مه‌هلّ اَنت کسے کانودے خلافءَ کارے کنت.

زاهدانءِ جمعه نمازءِ خطیبءَ گوشت: البت مئے پنت ۆ سۆگه په مردمان اێش اِنت که قانونانءَ دلگوش کن اَنت ۆ کانودے ردءَ کرد کن اَنت. بلێن افسوز که لهتێں جاها کانود انچۆش بند ۆ سکّ اِنت که مردم قانونءِ خلافءَ کردَ کن اَنت.

🔷 اۆگانستانءِ هنتکانانی بند کنگ ظلمے به آ ملکءِ مردمانی حقے تها

شیخ‌الاسلام مولانا عبدالحمید گۆں انتقاد شه امریکا ۆ لهتے دگه ملکاں په اۆگانستانءِ هنتکانانی بند کنگءَ اے گامگێجءَ را «استمانءِ بندش» ۆ «ظلم به اۆگانستانءِ مردمانی حقءَ» زانت ۆ گوشتِ که آ اۆگانستانءِ مردمانی زرءُمال اَنت.

واجهءَ گوشت: دێر اِنت که اۆگانستان گۆں جنگءَ آماچ بوتگ ۆ نون هم گۆں ڈکالءَ آماچ اِنت ۆ بازێنے شه اۆگانستانءِ مردماں به پاکستان ۆ ایرانءَ لڈتگ اَنت. اۆگانستانءِ زرانی بند کنگ وهدےکه جنگ هلاس بوتگ ۆ ملکءِ آبادی ئے وهد اِنت ۆ مردم هم آ زرانءَ نیاز دار اَنت، ٹوهێں ظلم په آ ملکءِ مردمان.

مولانا عبدالحمید درشان کرت: امریکائے وڑے ملکاں ۆ دگه زۆراکێں ملکاں که وترا دۆدے واهندءَ زان اَنت، بارێں استمانانی بندش دۆدے؟ اے دۆدے نه‌اِنت، اے وت منّی ۆ غرورے. اے ملکاں، زۆر ۆ استمانانی بندشءِ بدلءَ باید مسائلانءَ گۆں عقل ۆ ترانکاری ۆ جوانێں سیاستاں حل کن اَنت.