شه جمهوری اسلامیءِ اگدهدار ۆ ماموراں لۆٹ آں که په اللهءِ خاطرءَ عدالتءَ اجرا کن اِت. په اسلامی انقلابءَ مئے پاگواجهاں باز زحمت کشِّتگ ۆ هۆن اِش داتگ، چنکه زهگ یتیم بوتگ اَنت ۆ جنێناں جنۆزام بوتگ اَنت. پَرے اسلامءَ رحم کن اِت. عدالت ۆ قانونانءَ پوره اجرا کن اِت.
بیتکنت که حکومت گۆں کفرءَ مان ایت، بلێں گۆں ظلمءَ نهمان ایت. ترّءُهشکءَ لۆڑ مهکن اِت، گناهکار ۆ بےگناهءَ شه یکءُآدگرا جتا کن اِت، اگاں یک دستے گناه کرتگ، دگه دستے را مهبُرّ اِت، اگاں پسّءَ گناه کرتگ، زهگ پاهو دَیَگ مهبیت، اگاں پسّءَ مردمے را کُشتگ، زهگ آیی بدلءَ قصاص مهبیت، مههلّ ات اسلام ۆ انقلابءِ دشمنان وشّال بےاَنت.