وهدےکه الله ئے رسول صلّیاللهعلیهوسلم مدینه منوره ءَ شُت نزّیک به 17 ماه بیتالمقدس ۆ مسجدالاقصی ءِ نێمگ ءَ نمازِ ونت تاں وحی آت که «فَوَلِّ وَجْهَكَ شَطْرَ الْمَسْجِدِ الْحَرَامِ» نون بترّێن وتی دێم ءَ مسجدالحرام ءِ نێمگ ءَ.
بلێن نون اے مسلمانانِ ائولی اێں قبله یهودیان دست ءَ اِنت، هما یهودیان که ذلیلترێں ۆ رسواترێں استمان بوتگ اَنت، بلێن په اے واستا که مسلمانان تپاک ۆ یکویی ءَ را یله داتگ ۆ په دنیا ۆ آسودگی ۆ تَنَۆب ءِ پدا شتگ اَنت، آوان شه مسلمانانِ سستیان کارمرد کرتگ ۆ بیتالمقدس ءَ واهندی اِش کرتگ.
مسلمانان اینکس ذلیل بوتگ اَنت که سےمیلیون یهودی تیوگێں مسلمان ۆ عربانِ سرا حکومتَ کن اَنت. اێشرا زان اِت که مسلمانانِ سۆبمندی ۆ پیروزی تپاک و یکویی ئے تها اِنت. باید تیوگێں مذهب ۆ پاٹیان ۆ اسلامی ملکان تپاک کن اَنت، تهنا یک ملک ۆ یک پاٹیَ نتوان اَنت پهکێں سلاهبندێں دشمن ۆ اسرائیلِ دێما بۆشت اَنت.