- سنی آنلاین - http://sunnionline.us/balochi -

مولانا فضل‌احمد صفرزهی گالیکشِ «جامعه فاروقیه»ءِ معاون بێران بوت

سنی‌آنلاین| مولانا فضل‌احمد صفرزهی، گالیکشِ «جامعه فاروقیه»ءِ معاون، زی دیگرا (سئے‌شنبی ۹ دی‌ماه ۹۹) ماں ۶۸ سالگیا شه دل‌ئے ناجوڑی‌ئے سببا بێران بوت.

مولانا فضل‌احمد صفرزهی، شه سال 1361، هما وهد ءِ که گالیکشِ «جامعه فاروقیه» که ماں گلستانِ استانا نام ۆ توار داریت، بن‌هشتِ اێر کنگ بوت، ماں آ استانا گوں سبکّ ۆ اصلاحی کاران گٹ بوت.

آ خدا بیامرز اردیبهشتءِ دهمی روچا شه 1331 سالا ماں «جنت‌آباد» شه صالح آبادِ مزن مێتگ ءِ کلگان ماں خراسان رضوی به دیندارێن خاندان ءِ گس ءِ تها ودی بوت.

مولانا فضل‌احمد، بنگێجی سبکّانَ ماں آزادشهر، شه استان گلستانِ مێتگان، وتی پسّ ءِ دێما ونت، پدا به «عین‌العلوم» گشت وانگجاه ماں سراوان ءَ شت ۆ شه اۆدءِ واجه‎ئان چۆ شیخ‌الحدیث مولانا محمدیوسف حسین‌پور، مولانا محمد دهقان ۆ مفتی خالد دهواری (رحمهم الله) علم کٹ‌اِت ۆ آخری سالا ماں دارالعلوم کراچی ءَ شه مفتی محمدشفیع عثمانی رحمه‌الله ۆ مفتی محمدتقی ۆ مفتی محمدرفیع ۆ مولانا سحبان محمود محضرا بهر زرت ۆ همودا سبکّا را هلاس کرت.

مولانا فضل‌احمد رحمه‌الله پد شه اێشی که سبکّا را هلاسِ کرت، وهد ءِ که مولانا محمدحسین گرگیج 1358 سالا نماز جمعه ءَ ماں آزاد شهر میتگا بنگێج کرت، ماں مسیت جامعه ءَ گوں قرآن مجید ءِ سبکّا گلائش بوت.

آ خدابیامرز ءَ ماں 1361 سالا گوں مولانا گرگیج همراه‌داری ءَ «جامعه فاروقیه گالیکش» بن‌هشت ءَ را اێر کرت ۆ تا گڈی رۆچان گوں سبکّ ۆ هزمت ءَ گلائش بوت.