- سنی آنلاین - http://sunnionline.us/balochi -

کابل ءَ مزن شاھدربرجاہ ءَ اُرش، بیست مردم بیران

افغان ءِ مزن شھر کابل ءِ شھدربرجاہ ءَ ایرانی کتاب پدراھی جاہ ءِ سر ءَ ناشناسیں مردماں اُرش کتگ اُرش ءِ آسر ءَ بیست مردم بیران بوتگ اَنت.

کابل شھدربرجاہ ءِ نزیک ءَ ھما وھد ءَ تیرگواری بندات کنگ بوتگ وھدےکہ افغان ءُ ایرانی واکدار شھدربرجاہ ءِ تہ ءَ یک کتاب ءِ پدرائی ءَ کنگ ءَ بوتگ انت.

اُرش ءَ پد شھدربرجاہ ءِ تہ یِے درسیں مردم پہ وش ءُ سلامتی اود ءَ چہ درکنگ بوتگ انت.

اے درگت ءَ ملکی وزارت جاندراھی ءِ کسان کمک جارکش معصومہ جعفری ءَ اھوالکاراں گوں تران کنان ءَ گوشتگ کہ اے اُرش ءَ کم چہ کم ھشت مردم زدگ ھم بوتگ.

اشانی تہ ءَ نودربر ءُ زانشجاہ ءِ استاد ھم ھوار انت. پہ جاندراھی ءِ ھاتر ءَ نزیکیں نادراہ جاہ ءَ برگ بوتگ انت.

رسانکدری ادارہ اے ایف پی ءِ گوشگ انت کہ افغان طالباناں اے اُرش ءَ پد گوشتگ کہ اھانی اے اُرش ءَ ھچ وڑیں دست نیست، بلے گوست ءَ افغانستان ءَ بازیں شھرانی تھا مزنیں وانگجاھی اداراھانی سر ءَ دائش ھوار ایندگہ ناشرکاریں گلاں اُرش کتگ.

سرچمگ: دی بلوچستان پوست