- سنی آنلاین - http://sunnionline.us/balochi -

مولانا عبدالعزیز رحمه‌اللهءِ گند ۆ نند گوں مولانا الیاس، جماعت تبلیغے بن‌هشت‌اێرکنۆکا

ماں سال 1322شمسیا که مولانا عبدالعزیز دهلی‌ءِ امینیه‌ءِ مدرسه دینیا گوں علمے کٹتنا گٹ‌ات، یک رۆچے مولانا الیاس رحمه‌الله به آ مدرسه‌ئا کیت. مولانا عبدالعزیزِ استاذ که «الهدایه»ئا را سبکّے دات، شه مولانا الیاسَ لوٹیت که آ رۆچے سبکّے اگده‌ئا زوریت ۆ مولانا الیاس هم منّیت. مولانا الیاس شه سبکّا دێم شاگردانَ شیت که وتا پجارۆکی کننت. وهدےکه مولانا عبدالعزیز نوبتَ رسیت، واجه وتا پجارۆکی‌ءَ کنت ۆ شیت که شه اێرانے بلوچستانائنت. مولانا الیاسَ درّائینیت: رۆچے رسیت که تبلیغیانِ رُمّ شه بلوچستانے رێکان به عربستانے نێمگا برئونت، من شه شما لوٹین که آ وهدا آوانَ مَدت کنِت!
هرچۆن که مولانا عبدالعزیز اێرنگێن رۆچے را دورَ گندیت، بلێن مدتے قولا دنت. چنکه سال پد شه آ پێشامدا ماں سال 1331شمسیا ائولی‌ئێن جماعت تبلیغے رمّ بلوچستانا کاینت ۆ مولانا عبدالعزیز ۆ ڈیه‌ئے مردم په گرمی شه آوان دێمرای‌ءَ کننت.