اعمالانِ ارزشت

مروچی بازێنے کاهل‌نمازیَ کننت ۆ دلش جمع‌انت که جنتّا رونت، وهدےکه این خطر هم هست که به دگه جنتے برونت (په جهندما). مروچی بازێنے شه مسلمانان گبانَ کننت که الله به اعمالان نیازے نداریت، راست‌انت که الله نیاز نداریت، بلێن اے الله‌ئے پرماننت ۆ الله‌ئے پرمانانِ زورگ سکّ هژدری‌ئنت. بێد شه اێشی اے اعمالانت که انسانا اصلاح و پاکَ کننت. ته انسان زکات مدنت پاکَ نبیت «خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ إِنَّ صَلَاتَكَ سَكَنٌ لَهُمْ وَاللَّهُ سَمِيعٌ عَلِيمٌ»(توبه: 103) رجانک: «بگر چه آیانِ مالان خیرات‌ءَ که پاک ۆ صاف بکنے آیاں پما خێراتیگِ ۆ دعای خیر بکن پرایاں بےشک تئی دعا تسلی‌ءِ سبب‌انت پرایان ۆ الله اشکنوک زانوک‌انت.»
اگه نماز مه‌وانْت چۆن پاکَ بیت، رۆچگ مه‌گیت چۆن پاکَ بیت، جنت پاکانِ جاینت، کَچٹ ۆ رڈان جا نه‌ئنت، پمێشا اعمالانِ ترک کنگ انسانا کَچٹ کنت ۆ انسان پاک ۆ اصلاحَ نبیت.

بێسه ماں ایمانا

بێسه شه باور ۆ ایمانے هژدری‌ئێن بُنداتاننت، وهدےکه دلے بێسه جوڑ بیت مردم شه رَدێن گبانان ۆ شیطانے شِرےئانَ رکّیت، په اے هژدری‌ئێن چیزے پُجّگا شما را سۆگه‌ءَ کنین که هاس «قل اعوذ برب الفلق» ۆ «قل اعوذ برب الناس»ا باز بوانت ته شه شیطانے شرےئان به الله‌ئا باهوٹ بَیِت، پچےکه شیطان گندگێن دشمنے، همےپیم اے دۆئێن سوره‌ئانْ سِهرا هم دورَ کننت.