مولانا عبدالحمید «درمانی‌ئین رخصت» په نرگس محمدیا لوٹت

شیخ‌الاسلام مولانا عبدالحمید مه نامه‌ئے به آیت‌الله رئیسی، قوه قضائیه‌وی سرمسترا گون اشاره به نرگس محمدیِ کرونای‌ئے ناجوڑیا مه زنجان بندیجاه‌ئا «درمانی‌ئین رخصتا» په آیی لوٹوک بوت.
په زاهدانِ اهل‌سنتے جمعه‌وی پیشنمازے دفترے هال‌رسانی‌ئے سرهالا، مولانا عبدالحمید اے نامه‌وے تها مهتر محمد صلّی‌الله‌علیه‌وسلّم سُهگه مه حجةالوداعا که جنین‌زاگانِ سرا رحم کنت، پیش کرت ؤ گوشته: «رأفت ؤ رحمت اسلامی همیشرا لوٹیت که آ درمانی‌ئین رخصت داده بیت».
زاهدانِ اهل‌سنتے جمعه‌وی پیشنمازا مه یک بهرے شه اے نامه‌ئا به تخفیف ؤ سُبک گِرگا مه قرآن ؤ پیامبرے سیرتے تها په مچ ناجوڑان اشاره ؤ تأکید کرت: «لوٹن که به تیوگین کرونایی‌ئین ناجوڑان که گون زمانگے سک‌ترین اؤبه‌ئا مٹ‌ومیل انت ؤ مه بندیجاه‌ئا بندنت، رخصت داته بیت.»