اپسوز جاه اِنت که مروچی جامعه و چاگردِ تها طلاق/سون باز بوتگ.

❇️ واجه شیخ‌الاسلام مولانا عبدالحمیدا وتی گوستگیں جمعۀ (5 بهمن 1397) بیانانی تها جنینِ «طلاق/سون» باروا چوش گوشت:

✅ اپسوز جاه اِنت که مروچی جامعه و چاگردِ تها طلاق/سون باز بوتگ.
✅عاروس پیغمبر اکرم صلی‌الله‌علیه‌وسلم سنت و یکے چه نیکیں کاران اِنت، بلے طلاق بلّی که لهتے جاها که جن و مرد مشکلاتِ تها گرفتار بنت جایز اِنت، بلے اللهِ گورا یکے چه زشت‌تر و بدتریں کاران اِنت.
✅هما پیم که پیغمبر اکرم صلی‌الله‌علیه‌وسلم فرمائینت: بد‌تریں حلال اللهِ گورا طلاق اِنت. الله تعالی چه طلاقا بیزار اِنت و طلاق هما وهدی جائز بیت که جن و مرد گوں وت هچ پیما زندگی کت مکننت و هچ راهے بغیر چه طلاقا مبیت.
✅جن و مردِ حق یکدگرِ سرا سک گران اِنت. جنېں‌ آدما حق هست که باید چاگرد و جامعه تها دلگوش کنگ بنت.
✅مرد باید وتی جنینِ لوگ، پچ و خرچِ بند و بستا وتی توانِ مطابقا بکنت، گوں آئیا دوستی بکنت و گوں نیکیں اخلاقے رفتار بکنت، جنینِ حرمت و کرامتا حفظ بکنت و آئیِ لوگِ مردم و پت و ماتانی احتراما بداریت.
✅جن هں باید وتی مردِ حقوقا دلگوش بکنت، وتی لوگ‌واجهِ هزمتا بکنت و آئیِ مردمانی احتراما بداریت.
✅یکے دگه چه مردینِ حقوقا اِیش اِنت که جن بے مردِ اجازتا چه لوگا در مکپیت و همے پیم آ کسے که مرد راضیگ نهنت وتی لوگا راه مدات.
✅اگه یک جن و مردے درمیانا اختلاف و جیڑه اِے پاد کئیت، باید آیانی مردم و سیاد چه دوئیں نیمگاں هور ببنت و آیانا صلح دینت. الله پاکا قرآن مجید تها همے چیز سرا حکم کرتگ.
✅زهر/هژم گرگِ ٹیما طلاق دیگ سکیں غلطیں کارے. اگه مردا طلاقِ اراده هست باید رند چه فکر، مشوره و استخاره اگه دگه راهے درنکپت، گڑا بروت طلاق بدات.
✅مرد نباید وتی جنا گیشتر چه یک طلاقے بدات، «طلاق سنت» اِیش اِنت که مرد جنا بس یک طلاقے بدات. سے طلاق دیگ بدعت و گناه اِنت. بلے اگه یکّیا دات جنِ طلاق و سون کپنت.