ملکِ مسئول باید پہ مردمانی اقتصادی مشکلاتِ نیمگا دلگوش کننت

سنی‌آنلائن| شیخ‌الاسلام مولانا عبدالحمیدا وتی اے جمعۂ ( 23 آذر 1397) خطبہ‌یانی تھا پہ مردمانی اقتصادی و معیشتی مشکلاتِ نیمگا اشاره کرت و گوشتی: اے حالتِ تھا نباید مرز بندگ بنت، بلکیں مرز پاچ کنگ بنت تا مردم پہ وت چنڈے نان درگیجنت.

واجھا دیمترا گوشت:
🔷ھنّوگیں وھدا کہ ملک تحریم اِنت و مردم گرانیں اقتصادی مشکلاتِ چیرا گیر اَنت، مرزانی بندگ پجّگی گپے نھنت. مرز باید پاچ بنت تا مردماں شہ اے راھا تجارت/باپاری کننت و بار و سامانے جابجاہ کننت و وتی روزگارا گوازیننت.
🔷لھتے مرزی تجارت چوش سوختِ زورگ و بھا کنگ، نباید حکومتی ارگانانی دستا بنت، بلکیں باید اے سودائی/معاملات مردمانی دستا ببنت تا آیاں مالی سرچمّگے/منبعے ببیت و وتی زندگیا بتواننت گوازین انت.
🔷ما پیسرا ھں اے موضوعا گپ کرتگ و ھنو ھں تاکید کنیں کہ مسئول باید پہ مردمانی کار و دندا واستا یک فکرے زورنت.
🔷گوں اشیا کہ استانِ تھا خشکسالی و قحط ھست و آپِ کمی انت، بلے پدا ھں لھتے مردما گوں ھمے کمیں آپا وتی کشاورزی داشتگ و وتی کارا گلائیش انت، اے باید ملکِ مسئولانی نیمگا کمک ببنت تا بتواننت وتی کشاورزیا گیشتر ترقی دینت.

🔷ھریکیا چہ ما ھر نیمگے توانایی ھست، باید پہ مردماں کار و دندا جوڑ بکنت و مردماں پہ روزیگِ در آرگ چہ جوانیں راھاں تشویق بکنت. جنیناں باید وتی لوگانی تھا دستی چیز جوان کننت و بازاراں پیش کننت.
🔷استانِ فنی و حرفہ‌ای ادارۂ مسئولیت اے باروا سک گران اِنت. اے اداره باید مردماں کار و دندا یاد بدات. مئے ورنا ھں باید اے ادارۂ کلاسانی تھا بھر بزور انت.