زھر مگر

زھرگرگ و خشم کنگ سکیں بدیں عادتے انت، پچے کہ آئی تاوان سک باز انت. مروچی بازیں پریشانی و مشکلاتے اصلی سبب ھمے زھر گرگ انت. اگہ کمے وتی کرّ و گوراں چمے شانک دئیں ما گندیں کہ بازیں جنگ و جیڑہ و بازیں زھر و جدا بیگِ سبب زھر گرگ انت.
پمشا مردے پیغمبر صلی‌الله‌علیه‌وسلم ءِ گورا آتک و گوشتی منا پنتے بدے، پیغمبرا گوشت: زھر مگر، تا سے برا آ مردا وتی ھمے جُست، تکرار کت، واجہِ جواب ھمے یکّ ات.
ھر وھد یکے ھژم/خشم گپت، باید وتی کارِ آ سرا فکر بکنت و بچاریت کہ آئیِ کارِ نتیجہ چے بیت.
برے یک بدیں سُھن و یا یک ھُلّے مردمِ زندگیا و دگہ سیاد و وارثانی زندگیا خطرہ تھا دور دات.
بازیں جنگ و ھون‌ریچی‌یے پہ یک ساده و گونڈیں کارے پیش آتکگ.
پمشا مردم ھمک وھدا باید وتی سارا بداریت و چہ آ کاراں کہ انسانا بے سار کننت وتا پھریزیت.
گوشنت کہ وھدے که شما زھر گپتگ ات بھتریں کار ساکت بیگ و وتا آرام کنگ انت. ھچبر زھر گرگ حالتا ھچ گپ و حرکتے مکن ات.