سنیآنلائن| زیگیں صباح31 شھریور 1397 ءٰ اهوازِ خوزستانا چھار سلاحبندیں مردا مسلحیں واکانی سرا تیرگواری کرت، اے حملہیا 29 نفر کشگ و 60 نفر ٹپی بوت.
اے چھاریں نفر گوں نظامی پُچّا یھتگ و واکانی رژہ روگ و پیشدارجاہِ پشتا چیر کپتگ انت. لھتے چہ مسئولاں گوشتگ کہ اشانی اصلی مقصد بلاھیں مسئول و سرگانی بیراں کنگ بوتگ، بلےموہ اش نرستگ.
اے حملہ تھا که تا ده دقیقتا طولی کشّتگ، غیر چه نظامی واکاں، لھتے جنیںآدم و زھگ ھں کشگ و شهید بوتگ.
داعش و «الأحوازِ ملی مقاومتا» اے حملہ وتیگی کرتگ.
سازمان مللِ کارگشاد و بازیں ملکے کماشاں وتی دلپدردی چہ اے پیشامدا درشاں کرتگ و اے حملہ ایر جتگ.
ایرانِ ٹوھیں مسئولاں امریکہ و اسرائیل و لھتے عربی کشور میاریگ زانتگ و بیم اش داتگ کہ اے حملہ کنوک بزاننت کہ ما ھر دابا منتگ وتی بیرا پہ ترندی گریں.
واجہ مولانا عبدالحمیدا ھں مروچی یک پیغامے تھا وتی دلپدردی و اپسوز چہ اے اتفاقا پیش کرتگ.