اهل‌سنتِ جهگیراں چه ڈاکٹر روحانیِ وعده‌یانی پوره نبیگا په ترندی گلّه کرت

سنی‌آنلائنِ هالکاریا، اهل‌سنتِ فراکسیونِ جهگیر/نماینده‌یاں مرۏچی یک نامه‌اِے تها که په راجکماش ڈاکٹر روحانیِ ناما نبیسگ بوتگ وتی گله چه اهل‌سنتِ لۏٹانی پوره نبیگا پېش کرت.
اِے نامه تها نبیسگ بوتگ: واجه روحانی! تو گچېنکاری/انتخاباتِ وهدا وتی10 بندېں نبشته تها قول داتگت که راج ؤ مذهبانی پهکېں آ لۏٹاں که قانونِ مطابقا ببنت دلگۏش کنے ؤ په آیانی اقتصادی، سیاسی، چاگردی ؤ فرهنگی مشکلاتِ گیشّېنگا جهد کنے، بلے هنو نزیک 5 سال اِنت که چه تئی راجکماشی وهدا گوزگ اِنت ؤ تو وتی گېشترېں انتخاباتی وعده‌ که کُرد، بلوچ، ترکمن ؤ اهل‌سنتا داتگنت، پوره نکرتگنت.

اهل‌سنتِ جهگیراں “وتی زانتکارانی کار نبندگ”، “تبعیض ؤ بےانصافی”، “ماتی زبانِ نوانېنگ” ؤ دگه بازېں گلّه‌اِے نام گپتگ ؤ دېما نبشتگ‌اِش: «اِے چه دابے که لهتے سیاسی جهدکار ؤ رئیس‌جمهوری نامزداں دېما گپتگ که هر انتخاباتے باریگا گۏں وتی پوره نبوتگېں وعده‌یاں مردمانا رأیِ صندوقانی سرا کشّنت ؤ رندا مردمانا شمۏش اَنت؟!»