ده وصیت په نفسِ اصلاح ؤ‌ پاکیا

واجه مفتی محمدقاسم قاسمی دارالعلوم زاهدانِ فقه ؤ حدیثِ استادا گوشیت: په نفسِ اصلاح ؤ‌ پاکیا ده کار کنگ ضروری انت

✅1. فرضانی سرا عمل کنگ ؤ چه حراماں دوری کنگ؛
✅2. اسلامی اخلاق ؤ آدابِ سرا پابندی کنگ ؤ دگرانی حق ؤ حقوقِ دیگ؛
✅3. هر رۆچ یک بهرے چه قرآن مجیدا تلاوت کنگ ؤ یک بهرے چه پیغمبر صلی‌الله‌علیه‌وسلمِ احادیثِ وانگ؛
✅4. هر رۆچ چنت دقیقتا یک دینی کتابیا گۆں وتی زهگ ؤ لۆگِ مردماں هۆر وانگ ؤ مذاکره کنگ؛
✅5. هر هفتگ یکبرے گۆں وتی دۆست ؤ سنگتاں یک گونڈێں دینی دیوانے برجم دارگ ؤ یک دینی کتابے وانگ ؤ آئیِ سرا فکر کنگ؛
✅6. وتی ماهِ حقوق/پکار ؤ کٹِّ 2 تا 5 مں صدا په دینی کار ؤ بےوسانی کمکی ؤ‌ مدتا خرچ کنگ؛
✅7. دگرانا په نێکێں کاراں دعوت دیگ ؤ تشویق کنگ؛
✅8. دگه نزیک یا دورێں ملکاں سفر کنگ ؤ چه آ منطقه‌یِ صالح ؤ نێکێں مردماں دیدار کنگ ؤ چه آیانی علم ؤ زانتا بهر زورگ؛
✅9. دو رکعت نماز وانگ ؤ په وت ؤ دگرانی هدایت ؤ نجاتا ؤ اسلامی ملکانی حالات ؤ‌ جاورِ وشّ بیگا دعا کنگ ؛
✅10. هر هفتگ ؤ هر ماهِ آخرا وتی ایمانی جهد ؤ تلاشاں حساب ؤ داد کنگ، الله تعالی یا په کتگێں کاراں شگر گرگ ؤ قبول بیگِ دعاءِ لۆٹگ ؤ چه وت ؤ دگرانی کمّی ؤ کۆتاهیا پهلّی لۆٹگ.

✍🏽رجانک: شاکر رئیسی

📚سرچمگ:‌ سے ماهی تاکبند، ندای اسلام”- شمارۀ 26- 27