وضو ؤ دیم شودگِ آداب (1)

وضو گروک گهتر اِشنت که وتی دیما قبله‌یِ نیمگا بکنت ؤ برزیں جاهے بنندیت تا اشی که آپِ ترینزک آئیا ملگَّنت. اول سرا «بسم الله» بگوشیت. رندا وتی دستانا تا مُچّا بشودیت. پدا سے برا وتی دپا آپ کنت ؤ گلاٹ بجنت. رندا مسواک بجنت، اگه مسواکی گون نیت، گڑا هور یک زبریں پُچّے یا گوں وتی لنککاں وتی دنتاناں بلگاشیت. وهدے که روچگ نهنت شرّ گلاٹ بجنت تا اشی که آپ مں آییِ گٹا برسیت وهدے که روچگنت آپا تا گُٹا مرسینیت، پرچیا که بلکیں آپ چه آئیِ گٹا ایر برونت ؤ روچگی پرشیت. رند چه اشیا سے برا وتی پونزا آپ بکنت ؤ گوں چپیں دستا وتی پونزا پهک بکنت. رندا وتی دیما چه جاهے که سرِ مود درکاینت تا زنوکِ چیرا ؤ چه اے گوشِ بنا تا آدگه گوشِ بُنا هنچو بشودیت که آپ برُنبیت. آپِ رسینگ بروانانی چیرا لازمی انت. پدا، سے برا راستیں دستا گوں سروشا ؤ گڑا چپین دستا هں گوں سروشا بشودیت. رند وتی هردویں دستِ موردانگاں ماں یک دگر تها بکنت ؤ آیانا بملّینیت. اگه لنککانی تها مندریک ؤ دگه چیزے هستنت آیانا بسرینت تا که اشانی چیرا آپ برسیت.

?لبزبلد:
موردانگ/لَنکک: انگشت
پونز/ دماگ: بینی
سروش: آرنج
گُلاٹ: مضمضه
مُندریک: انگشتر

✍? مولوی احمد صبورحال