ڈاکٹر صادق زیباکلاما چه اهل سنتا پهلّی لوٹت

رند چه روتاک «نود»ءِ شنگ بوتگیں نبشتانکا نقل چه صادق زیبا کلاما، اِے دانشگاه/زانت‌جاهِ بلاهیں استادا چه اهل سنتا پهلی لوٹت.
په سنی آنلائنِ هالکاریا، ڈاکٹر زیباکلاما زیگیں روچا، مولوی حبیب‌الله مرجانیِ گلگی نمدی (نامه)ءِ جوابا، نامه‌اے نبشت ؤ چه تمامیں اهل سنتا پهلّی لوٹت.
زیباکلامِ نامه‌یا یهتگ: آ چیزے که منی گپانی تها یهتگ، هچ پیما منی مراد بی‌ادبی په آ ٹوهیں بی‌بی (أم‌المؤمنین عایشه صدیقه‌)ءِ جاگاها نبوتگ، بلے اپدا هں اگه من وتی واجهیں سنی‌ئیں هم‌ملکلیانی دل رنجینتگ، چه وتی دلِ جهلانکیا ؤ گوں سرجهلیا، پهلّی لوٹاں.
زیبا کلاما نبشتگ: من چه اِشی که گپے بکناں که منی برات ؤ ‌گهاریں سنی، ناراحت بنت، بیزاراں. من مباتاں چه اِشی هبرے زبانا بیاراں که شما را آزار بدنت.
ڈاکٹر زییاکلاما گڈسرا نبشتگ: دوستی ؤ ‌احترامے که منا گوں وتی واجه ؤ‌ برات مولوی عبدالحمیدا هست، روشن‌تر اِنت چه اِشی که من چه وت دیمپانی بکناں.