آیتالله اکبر هاشمی رفسنجانی، ایرانِ ٹوهیں سیاستزانت ؤ مجمع تشخیص مصلحت نظامِ کارمستر، دوشی (18 دی 1395) چه دنیا شت.
په سنیآنلاینِ هالکاریا آیت الله رفسنجانی زی بیگاها چه دلاوشتِ سببا ناجوڑ بوتگ ؤ تهرانِ «تجریشِ» نادوراهجاها بستری بوتگ، ڈاکٹرانی جهد بےسوت بوتگنت ؤ گڈسرا دوشی وتی عمرِ هشتادؤدومی سالا دنیا یل دات ؤ دیم په ابدمانیں جاها رهادگ بوت.
رند چه اِے پیشامدا حسن روحانی، ایرانِ راجکماشا وتی هما نادورهجاها سر کتگ ؤ وتی اپسوز درشاں کرتگ.
آیتالله رفسنجانی سال 1313 شمسیا رفسنجانا دنیائا یهتگ. هاشمی رفسنجانی ایرانِ مجمعِ تشخیصِ مصلحتِ نظام، تهرانِ مردمانی جهگیر مَں پارلمانا ؤ چه دانشگاهِ آزاتِ بُنردگروکاں (مؤسساں) بوتگ.
همے پیم رفسنجانی ایرانِ اولی پالمانِ مستر، ؤ دو دورهیا ایرانِ راجکماش (رئیس جمهور) بوتگ.