«گوانکو» نیلیت زهگ درس بواننت

گوانکو (موبایل/ گوشی) یکے چہ اللهِ نعمتان انت. هر نعمتے که الله په وتی بندگاں دات اِنت بایدنت آنعمتِ شگر گرک ببیت. اللہِ شکر إے پیم انت کہ آ نعمت شری سرا کارمرز کنگ ببیت. اے روچاں هر کسی دستا موبایل گندگ بیت. برابرانت آ مزنیں مردمی ببیت یا گونڈیں چوکے، ھنے گوں إے موبایلا بازیں کار کنگ بیت. شریں کارا بگر تا بدیں کار.
آ کسانے که زانتکار انت، اللهِ إے داتگیں نعمتا په شری کارمز کننت.
بلے آ کسانے که زانگش نیست ؤ موبایلِ شریا سرپد نهنت إے موبایل په آهان یک مزنیں مصیبت ؤ واری ئے که آهاں مدام په بدیں کارانی نیمگا کشّیت.
گونڈیں چکانی واستا موبایلِ زیرگ ؤ آهان دیگ هچ شریں کاری نهنت. چیا کہ گونڈیں چک چے زانت کہ موبایلا چوں کارمرز بکنت؟
إے روچاں پت ؤ ماتاں پہ گونڈیں چکانے دل وش کنگا په آهاں گوشے زیر انت. بلے نزاننت کہ پہ چکانے واستا گوشے گرگ چونیں بدیں کارے انت؟ چیا کہ باز گندگ بیگنت اے چوکاں گوشیا شر کارمرز نکنگ انت ؤ آوانے وانگِ سرا بدیں تاثیرے ھِشتگی. چیا کہ آواں توامیں وهدا وتے گوشیا گوں لیب کننت ؤ دگه بازیں وڑے کارمرز کننت که هچ فایدگی آهان حاصل نبیت.
اگان پت ؤ مات وتی چکانی واستا گوشی زیر انت بایدنت پت ؤ مات وتی چکاں هں آهانی کارمرزا یاد بدینت ؤ آهاں میلنت که گوں گوشیاں باز لیب بکننت.
باز برا معلماں گله کتگ کہ چکانی وانگ باز کم زور بیتگ. بایدنت ما شر بزانیں کہ بازیں چوکانے نوانگِ سبب، همے موبایلِ بازیں کارمرز کنگ انت.
مئے دسبندی چہ پت ؤ ماتان إشنت کہ پہ وتے چوکانے شر ؤ نیک بیگا ؤ علم ؤ زانتِ خاطرا په آهاں گوشے مزیرنت. اگہ ھم آهانی دل دارگ نبیت، آهان ؤ شر سرا سوج بکننت کہ گوشیا کم ؤ شریِ سرا کارمرز بکننت.