آ که «اهل‌سنتِ» ناما پیادگ قبرانی زیارتا روت چه وتی عقیده‌یا سهیگ نهنت

گلستانِ آزادشهرِ جمعه‌یِ پیشنمازا وتی جمعه‌یِ گپاں په لهتے که اهل‌سنتِ ناما په بزرگانِ قبرانی زیارتا گوں زیارتی کارواناں پیادگ دیم په عراق شتگنت، اشاره کرت ؤ ‌اِے کاری اهل‌سنتِ عقیده‌یِ خلافا زانت.

په سنی‌آنلاینِ هالکاریا، واجه مولانا گرگیجا جمعه (28آبان95 / 18نوامبر2016) ئا گوشت: چه ملکِ کِرّ ؤ گوراں ما را هال رسیت که لهتے اهل‌سنتِ ناما زیارتی کارواناں هور بوتگنت ؤ په بزرگانِ قبرانی زیارتا پیادگ دیم په عراق شتگنت. آ اهل‌سنت که اِے رنگیں کارے کرتگش وت زاننت. اِشانی کار اهل‌سنت عقیده زانگ مبیت.

واجه‌ها گیش کرت: ما اهل‌سنتا خاصیں مذهبی قانون هست، اهل‌سنتِ هچ فقهی منبع ؤ سرچمّگے عبادتے په نام ” پیادگ بزرگانی قبرانی زیارتا روگ” نیهتگ. اهل‌سنتِ کرّا سالگرد/سال‌سری دیوان، هفتم ؤ چهلم نیست اِنت.

گالیکشِّ دارالعلوم فاروقیه‌یِ مدیرا تاکید کرت: اِے مردم په دلیں سنّی نهنت، اگه وتا سنی زاننت باید وتی عقیده‌یِ سرا پابند ببنت. اهل‌سنتِ هچ فقهی کتابے نیهتگ که امام ابوحنیفه پیادگ په قبرانی زیارتا شتگ. ما پهکاں باید وتی مذهبی مسائلِ سرا پابند بئیں. ما په وتی مذهبا پهر کنیں ؤ کاملی سرا امام ابوحنیفه‌یِ رندگیریا کنیں. اگه کارے مذهبا ما را اجازت دات ما آ را کنیں، اگه مے مذهبا رسم نهت ما آ را عبادت ؤ ثواب نزانیں.

مولانا گرگیجا دیما گوشت: آ که پیادگ بزرگانی قبرِ سرا دیم دیگ بنت یا که وتی عقیدتی مسائلا نزاننت، یا که دگه مقصد ؤ ‌مرادش هست. نباید اِے اهل‌سنتِ عالم ؤ‌ زانتکار معرّفی کنگ ببنت. پچے که اهل‌سنتِ مذهبا چیں کار نیست اِنت.

مولوی صلاح‌الدینِ شهادت باید نیمروزِ مردماں آگاه بکنت

واجه مولانا محمدحسین گرگیجا مَں دگه بهرے چه وتی گپاں په مولانا صلاح‌الدین موحّد (بلوچِ) ترورا اشاره کرت ؤ ‌گوں وتی اپسوز ؤ دلپدردیِ پیش‌کنگا، دژمنانی اِے رڈّیں کار په ترندی اِیرجت ؤ گوشتی: مولوی صلاح‌الدین موحّد زرنجِ جمعه‌یِ پیشنماز یکے چه مذهبی ؤ چاگردی جهدکاران اَت که شهید کنگ بوت. مولوی صلاح‌الدین بے گناهے اَت ؤ‌ گوں هچ‌کسا دژمنی نبوتگ. باید اِے دابیں پیشامد مردماں آگاه بکنت.

مولانا گرگیجا اِے واجهِ شهید بیگ، مزنیں تاوانے زانت ؤ په خدامُرزیِ پشپد، سیاد ؤ لوگی مردماں تسلیت گوشت.