مزن‌همّتی

ما شما باز اشکتگ ؤ په اشیا پهر هم کنیں که بلوچ، استعدادوالاییں راجے. اے گپ چه روچا روشنتر اِنت ؤ هچ پیما رد کنگ نبیت، بلے ادا من اے جستا کناں که زاناں اے دگه راجاں استعداد نیست؟ زاناں استعدادِ بازی،
دیمروی کاریت؟ گوں اینچو استعدادا باید بلوچ راجا آزمانِ استار ایربگپتیں بلے اے راجا انگتا وتی زبان دیما برت نکتگ، اگاں کموکیں دیمرویاے هست آ هم ناتپاکیانی آماچ اِنت.
گپ اِشنت که پهکیں مردماں استعداد هست بلے لهتے چه وتی استعدادا کار گریت ؤ لهتے وتی استعدادا گوں وتی
دستاں هاموش کنت.
چه استعدادا گهتریں چیز، همّت ؤ زحمت انِت. ایوکا استعداد بس نهنت، اے استعداد کار گرگ لوٹیت.
بلوچستانِ چینچو میتگ ؤ روستایا وانگجاه نیست، وانینوک نیست ؤ اگاں هست امکانات باز کم انَت. بلوچ راج باید وت
همت بکنت ؤ هر پیما وتا گوں زانتِ کاروانا همگام بکنت.
وانوک ؤ نودربراں وتی کدرا بزان انَت، گیشتر دلا په وانگابدینت، وانینوک هم باید اے نودربراں وتی زهگ هساب
بکننَت. آیاں که الله ها داتگ انَت، اے داتگیں دادا په وتی براتِ کشگ ؤ بیران کنگا هرام مکننت بلکه گریب ؤ بزگیں
مردماں وشهال بکننت. چینچو ورنا ؤ نوکورنا هست که روزگارا آیانی دست تنگ کتگ ؤ ماں وانگجاه ؤ دانشگاهاں
آیانی جاه هالیگ انِت.
بلوچ راج اگاں همت بکنت هچ چیز آییِ همتِ دیما داشت نکنت.