واجه مولانا عبدالحمیدا زی 30 مهر 1395 (14 اکتوبر2016) ئا مَں چهبارءِ جمعهءِ نمازا چه لهتے نازانتانی جهدا په بلوچستانءِ نامءِ کمرنگ کنگا په ترندی گلّه کرتگ و گوشتگی آ که په بلوچستانءِ نامءِ کمرنگ و بیگواه کنگا جهد کننت، نازانت اَنت.
په سنیآنلاینءِ هالکاریا واجه مولانا عیدالحمیدا چهبارءِجامع مسیتّا گوشتگ: ایرانءِ قومی و مذهبی دگریا، ایران براهدار کرتگ. تمامیں قوم و راج په ایرانا پهر اَنت، هریکے چه آیاں اگه مبیت ایران کپّ بیت. باید توامیں راج و مذهبانی احترام دارگ بیت و آیانی کانودی آزاتی آیانا دیگ بیت.
واجه ئا چه لهتے جهد و کوششا په «بلوچستان»ءِ نامءِ گار کنگ مَں ایرانءِ مُلبت /نقشه یا اشاره کرتگ و گوشتگی: اِیرنگ احساس بیت که لهتے جهد کننت «بلوچستان»ءِ ناما کمرنگ کننت. بلوچستانءِ نامءِ حذف کرتن په ایرانءِ صلاحا نهنت. بلوچ یکے چه ایرانءِ با عزّت و نامداریں راجان اِنت. بلوچستان، مَں ایرانءِ راجدپترا ثبت بوتگ. هچکس واستا صلاح نهنت که بلوچ راجا کمرنگ بکنت. بلوچستانءِ ناما کمرنگ کنگ سکّیں احمق و نازانتانی کار اِنت.
واجه ئا گوں اِے گپا که «ایرانءِ ٹوهیں کارمستر گوں اِے کارا تپاک نهنت» گیشی کرتگ: آ که بلوچستانءِ نام کمرنگ کنگءِ پدا اَنت، نازانتیں سنگت اَنت، هرچنت که ایرانءِ دوستیءِ سنگا دلا بجننت. نه تنها بلوچستانے، بلکیں جهد په هر راجے حذف کنگا چوشکه: کردستان، آذربایجان، لرستان، فارس و … ئا نازانتانی کار اِنت. باید هر راجءِ داب و رسم و زبان و دود و ربیدگ حفظ کنگ بیت.
واجهئا گڈسرا چه ایرانی مسئول و زمهداراں لوٹتگ که اِے باروا گیشتر هژّار ببنت و اِے دابیں کارانی دیما بگرنت.
علیرضا کمیلی، حکومتی ئێں شۆهازگر ءَ ماں سیستان ءِ بلوچستان ءِ دێمروی ءِ دێمگیریانی دیوان ءَ گۆں اشاره به زاهدان…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (21 اردیبهشت 1402/ 10 مای 2024) گۆں اێشی بیان ءَ…
مولانا عبدالصمد ساداتی ماں سراوان ءِ نماز جمعه ءِ دیوان ءَ گۆں اشاره به ملک ءِ وزارت ءِ ٹوهێں هرچاں…
شیخالاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…