معلم باید دلاسوز بیت

هر قوم و ملتے تا آ وهدا که تعلیم نکرتگ و درس نوانتگ، نتوانت به جایے رسیت و کامیاب بیت. درس وانتن زمانے توانت گهتر موثر بیت که شه هما گونڈیا په جوانی شروع ببیت و آیی اساس و بنیاد جوان بیت. 

پچے که اگه یکے جوانیں سوادے داشته مبیت و شه اولی علوماں سر در میاریت چون توانت دانشگاهی درسانا سرپد بیت و علم کسب کنت و تخصص و هنرے یات گیرت.
په ملکءِ آباتی و ترقی‌یا کاربلد و داناییں دکتر و مهندس لازم اِنت. نه انچاییں په نامی بیسوادیں دکتر و مهندس!
هنوں په اِیشی که تعلیمی بنیاد و اساس قوی بیت لازم اِنت که جُوانیں معلم و استادے داشته بیت و به هر دوره‌ اِے په جوانی اهمیت دیگ بیت. معلم آ وقتا/وهدا توانت په جوانی درس دنت و په زهگان مهنت کنت و زحمت کشّیت که آواں دلاسوز بیت و آوانی بیسوادی آئرا توریت. معلوم اِنت که هما معلم توانت که اِے صفات و خصوصیتاں داشته بیت که شه آوانی جندءِ مردماں بیت. اِے شهرءِ معلما په دگه شهرے و دگه قوم و مذهبے معلما په ادا آؤرتن اصلا مناسبیں سیاستے نهِنت و دولت باید په اِیشی یک فکرے بکنت.پچے که بلوچاں گوشتگ: ماسءِ بدل ماتو نبیت.