زاهدانءِ شهدربرجاه / دانشگاهانی اهلسنتءِ وانندهیانی فارغالتحصیلی/ زانتدربری جشن جمعه 24 اردیبهشت 1395، گوں دارالعلوم زاهدانءِ امور دانشجویی دفترءِ همتءَ ماں زاهدانءِ مسجد مکیءَ برجم دارگ بوت.
په سنیآنلاینءِ هالکاریءَ اِے دیوان رند چه مغربءِ نمازءَ گوں علی کوهیراد سیستانوبلوچستانءِ شهدربرجاهءِ زانتدربرءِ تلاوتءَ بنگیج بوت.
ماں اِے دیوانءَ حضرت شیخالاسلام مولانا عبدالحمید، مولانا مفتی محمدقاسم قاسمی، زاهدانءِ شهردار، زاهدانءِ شورای شهرءِ اعضا و دگه بازیں استاد و واجهے نشتگ اِتنت.
ڈاکٹر کهرازه زاهدانءِ آزادءِ شهدربرجاهءِ استادءَ ماں اِے دیوانءَ په بالائیں تحصیلاتءِ دستءَ یارگءَ تاکید کرت و وانندهای په مردمانی هزمتءَ توار پر کت اَنت.
شیخالاسلام مولانا عبدالحمیدءَ ماں اِے دیوانءَ دینی و دنیائی علمءِ دربرگءَ تاکید کرت و اے هردوئیں علمی چه انسانانی نیاز و ضرورتءَ زانت اَنت.
واجهءَ گوشت: دانشگاهی علم و زانت په اللهءِ نعمتانی بهر زورگا اَنت.
دارالعلوم زاهدانءِ مدیرءَ شرعی و دینی علم په انسانءِ نفسءِ پاکی و تزکیهءَ زانت اَنت و گوشتی: انسان توانت گوں وتی جوڑکرتنا اللهءِ نیمگا بال بکنت.
واجهءَ شهدربرجاه و دینی دربرجاهءِ رابطه گوں وت سک مهم زانت و گوشتی: اگه دینی دربرجاه و شهدربرجاهاں گوں وت رابطه ببیت، توان اَنت چاگردءَ جوڑ کن اَنت.
واجهءَ دانشجو په برزیں مدرک و سندءِ گرگءَ توار پر کت اَنت.
واجهءَ وتی گپانی گڈسرءَ اے امیت دات که دیمی سالاں دانشجویانی جشن زاهدانءِ جمعهءِ نمازجاهءَ برجم دارگ بیت و آیاں که ڈاکٹرا ءِ سندءَ بگر اَنت ماں درالعلوم زاهدانءِ طالبانی پاگبندی دیوانءَ آیانی نام وانگ بیت.
واجه مولانا مفتی محمدقاسم قاسمیءَ ماں اِے دیوانءَ گپ کرت و دانشجویی په پیشی بزرگانی امیتانی پوره کنگا توار پر دات اَنت و گوشتی: سلطان محمدفاتح یک ورنائےاَت که وتی بیست و یک سالگیا قسطنطنیه ای گپت و پیغمبرءِ دیرگیں تمنانی پوره کرت.
مفتی صاحبءَ گوشت: شما دانشجویاں وتی بزرگانی امیتانیءِ قبرستان مبت، بلکیں آیانی امیتانی رُدَگءِ جاه ببت. شما توان اِت گوں اخلاص و برنامه بزرگانی امیتانءَ پوره کن اِت. گوں وتی استاد، عالم و پتوماتاں شور کن اِت و چه آیاں دعا بلوٹ اِت.
واجه مولوی حبیبالله مرجانی دارالعلوم زاهدانءِ امور دانشجوییءِ دفترءِ کارمسترءَ چه اے دیوانءِ برجم داروکاں منتواری کرت.
دیوانءِ گڈسرءَ زانتدربرتگیں دانشجویانی نام گرگ بوت و شاباشنامه دیگ بوت اَنت.
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (8 آبان 1405/ 30 اکتوبر 2026) گۆں اێشی بیان ءَ…
شه 1405 ءِ آبانماه ءِ اول ءَ هر کیسگ آرت ءِ آزاتێں نهاد شه یک ملیون ءُ 800 هزار تومن…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (1 آبان 1405/ 23 اکتوبر 2026) گۆں اشاره به مالزانشتی…
رۆدراتکی بلوچستان ءِ جتا جتائیں جاھاں آپریشن ءِ نام ءَ سرکار مھلوک ءَ زورانسری لڈ ءُ بار ءَ لاچار کنگ…
ملک ءِ نونێں ناگێگێں مالزانشتی جاور ءِ ته ءَ مردماں هررۆچ نۆک نۆکێں گپچلانی آماچ به انت. سردی ءِ مۆسم…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (24 مهر 1405/ 16 اکتوبر 2026) گۆں شرگداری شه آذربایجان…