“حَلَب”، بمب گواریانی چیرءَ سُچگ اِنت

چه روسیا و سوریاءِ بمب گواریاں، حلبءِ گس و وانگجاه و نادراهجاهانی سرءَ، بازیں مردمے ٹپی و بیران بوتگ.

په سنی‌آنلاینءِ هالکاریءَ نقل چه بین المللی رسانکاں، ماں یک هوایی حمله و ارشے حلبءِ “قدس”ءِ نادراهجاهءِ سرءَ 27 نپر کشگ بوت . لهتے گوشتگ: اِے بیراں بوتگیں 50 نپر اَنت.
هپت روچ اِنت ماں حلبءَ سوریاءِ حکومت و آئیءِ مخالف و نمنّوکانی در میانءَ جنگ، شدت گپتگ و تا هنو گیش چه 200 نپر کشگ بوتگ.
حقوق بشرءِ‌ سازمان و هوربندءَ گوشتگ که ماں اے آزمانی حمله و ارشاں، مردمانی لوگ و جاه، نادراهجاه و درمانجاهانی سرءَ ارش بوتگ.
بان‌کی‌مون سازمان مللءِ کارمسترءَ ماں یک گپ و ترانے گوں بی‌بی‌سیءَ چه سوریاءِ کارمستراں لوٹتگ که اے ملکءِ ویران کنگءَ بس بکن اَنت.

زیگیں روچءَ جمعهءِ نماز ماں حلبءَ وانگ نبوت
په همے حمله و ارشانی سببءَ زیگیں روچءَ‌‌‌ حلبءِ “مجلسءِ شرعی”‌ءَ اعلام کرتگ که په جمعهءِ نماز ءَ مُچ مبئے اِت و جمعهءِ جاهءَ ظهرءِ نمازءَ بوان اِت، پچے که بمب گواری و ارشءِ ترس هست.
اسلامءِ تاریخءِ دراجیءَ اے اولی جمعه اِنت که حلبءَ جمعهءِ نماز وانگ نبوتگ.