گوں ایرانءِ پارلمان و خبرگانءِ گچیںکاریءِ تبلیغاتءِ شروع بیگءَ واجه مولانا عبدالحمیدءَ چه کاندیدا و آیانی دوزواهاں لوٹ اِت که اسلامی اخلاقءِ هیالداریءَ بکن اَنت و چه دروگ و تهمتءَ دوری بکن اَنت.
واجه مولانا عبدالحمیدءَ ماں یک بهرے چه وتی جمعهءِ گپاں (30بهمن1394)گوشت: پارلمان/شورای مجلسءِ دیوانءِ گچیںکاری و انتخابات سک مهم و ضروری اِنت. دنیا چاریت که باریں ایرانءِ مردم چے کن اَنت. گڑا باید شما پهکاں ماں اے گچیںکاریءَ بهر زور اِت.
واجهءَ دیمءَ په اسلامی رهبندانی هیالداریءَ اشاره کرت و گوشتی: اے گچیںکاریءِ کاندید باز اَنت و دوزواهش هں باز اَنت. گڑا پهکاں دلگوش کن اَنت که دگرانی غیبتءَ مکن اَنت و دگرانءَ مُپتیں تهمت مجن اَنت. یکدگرءَ کم مجناَنت تا اے گچیںکاری په سلک برجم دارگ به بیت. اے روچاں لهتے فضا مجازیءَ اللهءِ حکمانی هیالداری نکن اَنت و چه قیامتءِ روچءَ بےهیال اَنت و وتی دینءَ په دگرانی دنیا بها کن اَنت.
زاهدانءِ جمعهءِ پیشنمازءَ گوشت: راستی و امانتداری مهم و ضروری اَنت و چه اسلامی تمدّن و فرهنگءِ بُرزیں صفات اَنت. پیغمبر صلیاللهعلیهوسلم پیسر چه مبعوث بیگءَ په راستی و امانتداری معروف بوتگ. باید پهکاں چه دروگءَ پهریز بکنیں، پرچا دروگ مزنیں گناهے که اللهءِ هژم و غضبءَ جوش کاریت. امانتداریءَ هں باید هیالداری بکنیں. شمئے اوٹ/رأی یک امانتے باید شر بچار اِت که په کیا دئیتی.
دارالعلوم زاهدانءِ کارمسترءَ په تمامیں مردمانی بهرزورگ ماں گچیںکاریءَ تاکید کرت و گوشتی: باید شما تمامانی حضور و بهرزورگ ماں گچیںکاریءَ پر رنگ به بیت. منی پیگامءَ مات و گهاراں هں برسین اِت که گچیںکاریءَ بهر زور اَنت. ما پهکانءَ باید ماں وتی سرنوشتءَ دست بیت.
واجهءَ گوشت: ماں اے گچیںکاریءَ په خبرگانءِ دیوان و پارلمان و مجلس شوراءَ جهگیر/نماینده گچیں کنگ بیت. چه زاهدانءَ دو نفر په پارلمانءَ گچین بیت و چه کل استانءَ دو نفر په خبرگانءِ دیوانءَ گچیں کنگ بیت. سرجمیءَ زاهدانی توان اَنت چارنفرءَ رای بدینت.
واجهءَ گوشت: کوشش کن اِت که گوں چمپچی ءَ بهتریں کاندیدءَ گچیں کن اِت. نیکیں جهگیر په ملک و مردماں عزت کٹ اَنت.