حفظ و قرائتءِ پانزدهمی مسابقه برجم دارگ بوت

ایرانءِ دینی مدرسه‌یانی قرآن‌مجیدءِ حفظ و قراتءِ مسابقه پیشی سے‌شنبه تا پنچ‌شنبهءَ ماں دارالعلوم زاهدانءَ برجم دارگ بوت.
په “سنی‌آنلاین”ءِ هال‌رسانی سایتءِ هالکاریءَ، ماں اے مسابقاتءَ که سے‌شنبه 22 دی ماه 1394 (1ربیع‌الثانی1437)  بنگیج بوت و پنچ‌شنبه 24 دی (3 ربیع‌الثانی) تمام بوت، 93 نفر چه ایرانءِ اهل‌سنتءِ مدرسه‌یاں ماں قرآن مجیدءِ حفظ و قرائتءَ گوں وت مسابقه دات.
ماں اے مسابقاتءِ بنگیجی دیوانءَ واجه مولانا عبدالرحمن محبیءَ  ماں وتی گپاں قرآن مجید “اسلامءِ پایه و ڈیکی” زانت و قرآن مجیدءِ “تلاوت و تعلیم دیگ” پیغمبر صلی‌الله‌علیه‌وسلمءِ اولی کار و وظیفه زانت.

واجه مولانا عبدالحمید: نجات راه تهنا اسلام ءِ نیمگءَ پچ‌ترگ اِنت.

همے پیمءَ واجه مولانا عبدالحمیدءَ ماں اے بنگیجی دیوانءَ، اے زمانگءِ مسلمانانءِ ٹوه‌تریں مشکل “دلگوش نکنگ په قرآن مجید”ءَ زانت و گوشتی:‌ مرچی آ شوقے که په دنیا و مادیات هست، آ اندازه په دینی و قرآنی مسایلءَ نیست اِنت. اولی مسلمانانی شوق و دوستی په قرآن‌مجیدءِ تعلیم و عمل کنگ ءَ سک باز بوتگ، پرچا که آیانی اعتقاد و ایمان په اے کار باز بوتگ.
واجه مولانا عبدالحمیدءَ دیمءَ گوشت: مئے زندگیءِ مقصد قرآن مجیدءِ عمل کنگ اِنت. قرآن مزن‌تریں سادے که ما را په الله رسینیت. آ دلے که آئیءِ تهءَ الله و پیغمبرءِ محبت مبیت، آ دل مرتگ.
دارالعلوم زاهدانءِ کارمسترءَ گوشت: اپسوز انت که اے زمانگءَ مسلماں دنیاءَ په دینءَ ترجیح دینت و گچین کن اَنت، پمشا آ مشکلات و گرفتاریانی تهءَ کپتگ اَنت. چه هما وهدی که مسلماناں چه قرآن و سنتءَ فاصله گپت، مشکلاتءِ تهءَ کپت اَنت. نجات راه تهنا اسلام ءِ نیمگءَ پچ‌ترگ اِنت.

واجه مفتی محمد قاسم قاسمی:  قرآن کریم پَندے که دلانی درمان اِنت

واجه مفتی محمد قاسم قاسمیءَ ماں اے  مسابقاتءِ آخری دیوانءَ که پنچ‌شنبه 24 دی ماهءَ برجم دارگ بوت، گپ جت.
واجه مفتی صاحبءَ په قرآن مجیدءِ فضیلتءَ گوشت: قرآن کریم پندے که دلانی درمان اِنت و انساناں راستیں راهءَ هدایت کنت. وهدے که قرآن گوں انسانءِ گوشت و هونءَ هور ترّیت ، گڑا آ انسان واکی انسانے بیت. اگه انساں قرآن مجیدءِ ظاهری و باطنی آدابءَ پابند به بیت، قرآن هں آئیءِ دل  و جانءَ جاه کنت و آئیءَ په مزنی و واجهی رسینیت.
واجه ءَ دیمءَ گوشت: تلاوتءِ وهدءَ دلءِ حاضری چه قرآن مجیدءِ باطنی آداب اِنت.  بهتر همش اِنت که قرآن نمازءَ وانگ به بیت.
ماں اے دیوانءِ گڈسرءَ برنده و نام کٹتگیں حافظ و قاریانی نام وانگ بوت اَنت و داد/جایزه دیگ بوت اَنت.

درچتگیں حافظ و قاریانی نام اے ردءَ اَنت:

 حفظ کل/ ورنا
اولی نفر: عبیدالله دهقانی- مدرسه دینی منبع‌العلوم کوه‌ون (استان سیستان‌وبلوچستان)
دومی نفر: عبدالباسط احمدی- مدرسه دینی دارالعلوم زاهدان (استان سیستان‌وبلوچستان)
سومی نفر: عبدالقیوم دبیری- دارالقرآن امام شاطبی گنبد (استان گلستان)

قرائت/ ورنا
اولی نفر: عبدالصمد مولایی- مدرسه امام ابوحنیفه تربت جام (استان خراسان رضوی)
دومی نفر: عزیزالرحمن صحت- دانشگاه سیستان‌وبلوچستان
سومی نفر: فرزاد زندسلیمی- از شهرستان سنندج (استان کردستان)

حفظ کل/ نوک‌ورنا
اولی نفر: بنیامین رسولی – دارالقرآن امام شاطبی گنبد (استان گلستان)
دومی نفر: ایمان رئیسی- دارالتحفیظ ترتیل‌القرآن لاشار (استان سیستان‌وبلوچستان)
سومی نفر: ولید ترابی- دارالعلوم زاهدان (استان سیستان‌وبلوچستان)

حفظ پانزده‌ جزء/ نوک‌ورنا
اولی نفر: حامد اسماعیل‌زهی- تجویدالقرآن زاهدان (استان سیستان‌وبلوچستان)
دومی نفر: فاروق حنبلی- مدرسه عزیزیه انزاء (استان سیستان‌وبلوچستان)
سومی نفر: احمد خسروی- حوزۀ علمیه احناف خواف (استان خراسان رضوی)

قرائت/ نوک‌ورنا
اولی نفر: محمد سپاهی- دارالقرآن سراوان (استان سیستان‌وبلوچستان)
دومی نفر: یاسر محمدی- مدرسه دینی منبع‌العلوم کوه‌ون (استان سیستان‌وبلوچستان)
سومی نفر: سیدمحمد حسینی- از استان کردستان