ایرانءِ سیستانوبلوچستانءِ دینی مدرسهیانی مدیر و کارمسترانی دیوان، شنبه روچءَ ماں چهبار «جامعةالحرمین»ءِ مدرسهءَ برجم دارگ بوت.
پہ “سنی آنلاین”ءِ هالرسانی سایتءِ هالکاریءَ، دینی مدرسهیانی کارمسترانی دیوان، ماں نوکیں وانگی سال 37-1436ه.ق/95-1394ءِ اولی دیوان، گوں دینی مدرسهیانی کارمستر و مزنیں واجهانی مُچّی و حاضریءَ شنبهءِ روچ9آبان 1394ءَ ماں چهبارءَ جامعةالحرمینءِ مدرسهءَ، برجم دارگ بوت.
ماں اے دیوانءَ دینی مدرسهیانی درسی و تربیتی هالچونی بیت و واجهاں پہ مدرسهیانی دیمرویءَ وتی لیکه و شور پیش کت اَنت.
واجہ مولانا عبدالحمید: عالمانی دُوری چہ اَلس مردماں بیمناک اِنت
شیخالاسلام مولانا عبدالحمیدءَ ماں نوکیں سالءِ دینی مدرسهیانی کارمسترانی اولی دیوانءَ، پہ علم و زانتءِ ضرورتءَ گپ جت و عالمانی وظیفہ اے بارهءَ بیان کت اَنت و گوشتی: اے امتءِ عالم و زانتکار نہ تهنا ماں علم، بلکیں ماں تقوا و پهریزکاریءَ هں پیغمبرانی وارث انت. عالمانی وظیفه، اللهءِ دین نصرت و کمکّ اِنت و ماں اِے راهءَ نباید چہ هچ کوشش و جُهدےءَ سُستی بکن اَنت.
واجہ مولانا عبدالحمیدءَ عالمانی هُورتوری/رابطہ گوں مردماں، یکے دگہ چہ عالمانی وظیفه زانت و گوشتی: عالم باید گوں مردماں هور و تور بہ بنت و مردمانی مشکل و مسایلاں چه نزّیکءَ حل بکن اَنت . عالمانی دوری و جتایی چہ مردماں سک خطرناک انت.
واجہءَ گڈسرءَ تاکید کت که دینی مدرسهیانی کارمستر، باید گیشتر مدرسهیانی تہءَ حاضر بہ بنت و مدرسهیانی کاراں چم چیرا بدار اَنت.
واجہ مولانا عبدالرحمان چهباری: مئے هنوگیں عالم، وتی پیشگیں عالمانی راهءَ اَنت
واجہ مولانا عبدالرحمن چهباری، چهبار دینی مدرسه جامعةالحرمینءِ کارمسترءَ ماں اے دیوانءَ رند چہ واجهانی وشآتکءَ، گوشتی: مئے ملک، یک زمانے جهل و نازانتی و قومی طبقاتءِ جاگہ بوتگ، بلے مئے پیشی عالماں چوشکه واجہ مولانا عبدالله سربازیءِ جُهدءَ علمی تَپِچک/ جرقه جنگ بوتگ.
واجہءَ دیمءَ گوشت: الله تعالی مئے گوستگیں عالم و زانتکارانءَ نیکیں مُزّ دیات کہ گوں اخلاص و تقوا، خداترس و اخلاص والائیں، عالماش تربیت کتگ و چاگردءِ تهبیل داتگ. گڑا هنوگیں عالم، هما پیشی عالمانی جَنڈیدار دار انت و باید ماں تمامیں پڑ و میداناں همایانی راهءَ بگر اَنت.
مان دینی مدرسهیانی نوکیں سالءِ اولی دیوانءَ، واجہ مولانا محمد دهقانءَ دینی مدرسهیانی هالچونانی/بازرسانی هالکاری پیش کت و رندءَ پہ دینی مدرسهیانی مشکلات و برنامهیانی بارهءَ شور و مشوره کنگ بوت. همے پیمءَ پنچ نوکیں مدرسه ماں “سیستانوبلوچستانءِ دینی مدرسهیانی شورا و هوربندءَ هورکنگ بوت.
سنیآنلاین| پد شه اێشی که یکے شه سیستان ءُ بلوچستان ءِ کارمستراں گۆں وتی رڈێں هبراں واجه شیخالاسلام ءِ باروا،…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (16 مرداد 1405/ 7 آگست 2026) بیست سالیگێں بندشاں ءُ…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (9 مرداد 1405/ 31 جولای 2026)، وتی گڑتی ءَ شه…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (2 مرداد 1405/ 24 جولای 2026)، عدالت ءِ اێردارگ، کانودی…
شیخالاسلام مولانا عبدالحمید ماں زاهدان ءِ نمازجمعه ءِ دیوان ءَ (26 تیرماه 1405/ 17 جولای 2026)، ایران ءُ امریکه ءِ…
مولانا عبدالرشید شهبخش ماں زابل ءِ نمازجمعه ءِ دیوان ءَ گۆں اشاره به مردمانی رۆزیگی سکیان گوشت: گوستگێں ماهاں ناداری،…