واجہ مولانا عبدالغنی بدریءَ ماں زاهدانءِ جمعهءِنمازءِدیوانءَ، «عبادت» و «خلاف» هر مسلمانءِ دو مهمیں کار و وظیفه زانت اَنت و چہ قرآنءِ روژنائیءَ اے دوئیں وظیفه گِیشّوگیوار/تفسیر کت اَنت.
پہ “سنی آنلاین”ءِ هالکاریءَ زاهدانءِ جمعهءِ اَدارُکی پیشنمازءَ ماں جمعه (8آبان1394/16محرم1437/31 اکتوبر2015) ءَ گوں آیہ آیۀ «الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ وَلِلَّهِ عَاقِبَةُ الْأُمُورِ» [حج:41] وانگءَ گوشتی: دنیائے کہ آئیءِ تهءَ زند گوازینایں، باز عجیب و غریباِیں موجودی مان اِنت، بلے انسان چہ پهکاں عجیبتریں موجود و مخلوق اِنت.
واجهءَ دیمءَ گوشت: انسان هنچیں موجودے کہ بربرے انچو پہ بدی و سِلکاریءَ دست شانت کہ پہ شیطان، شباهت دیگ بیت، و برے برے انسان انچو په لائقی و مزنی رسیت کہ چہ تمامیں مخلوقات و فرشتہیاں هں درجہاے برزتر روت.
زاهدانءِ ادارکی جمعهءِ پیشنمازءَ «الله ءِعبادت» انسانءِ جوڑ بیگءِ اصلی مقصد زانت و گوشتی: لهتے انسانءِ جوڑ بیگءِ مقصدءَ ورگ، نوشگ و لوگءِ مردمانی واجهی زانت، لهتے دگه ماں اکتشاف و نوکیں چیزءِ جوڑ کنگءَ زانت، بلے اگہ ما قرآنءَ پٹولوٹ بکن ایں، ما را معلوم بیت کہ انسان، اللهءَ پہ دو کارءَ «عبادت» و «خلافت»ءَ جوڑ کرتگ.
واجہءَ دیمءَ همے دوئیں مقصد گیشّوگیوار کت اَنت و گوشتی: الله تعالی ماں قرآن مجیدءَ گوشیت: «وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ» [الذاریات:56]، «وَاعْبُدْ رَبَّكَ حَتَّى يَأْتِيَكَ الْيَقِينُ» [الحجر:99]؛ یکے چہ انسانءِ وظیفہیاں اللهءِ عبادت اِنت، پرچا کہ انسان نیازمندیں مخلوقے کہ پہ هرچیز حتی کہ پہ وتی پشکپگءَ اللهءِ محتاج اِنت. گڑا باید انسان پہ آ پاکیں ذاتے کہ پہ آئیءَ محتاج اِنت وتی عاجزی و هاکساریءَ پیش بکنت. عبادت معنا همیش اِنت. واجهاں گوشتگ: «العبادة هی غایة التذلل.»
دارالعلوم زاهدانءِ آموزشی معاونءَ گوشت: انسانءِ دومی خلقتءِ سبب «خلافت» اِنت، خلافت اِیش اِنت کہ آ کارانے کہ الله تعالیءَ پہ زمینءِ مردماں اراده کرتگ اَنت، انسانانی واسطہءَ الله آیانءَ انجام دات. الله تعالیءَ حضرت داود گوشتگ:»یا داوود إنا جعلناک خلیفة فی الارض»
واجہءَ دیمءَ گوشت: الله تعالی انسانانءَ تربیت کنت تا چو یک مربییے خلافتءِ کارءَ بکن اَنت.الله تعالی اهل و عیالءَ گوں لوگ واجہءِ کار و دنداءَ روزیگ دات. الله تعالی «هادی» و رهشون کنوک اِنت، انسان هں باید هادی و دعوت دیوک بہ بیت و مردمءَ په نیکیاں وادرا بکنت و چہ بدیاں بہ روک اِیت.اللهءَ دوست نبیت کہ زمینءِ سرءَ جنگ و فساد بہ بیت.پہ اے کارءِ دیم گرگءَ اللهءَ انسان پرمان داتگ اَنت کہ هرکس وتی اندازهءَ ظلم و فسادءِ دیمءَ بگریت.
زاهدانءِ جمعهءِ واز کنوکءَ «عبادت» و «خلافت» پهکیں پیغمبرانی کارانی خلاصه زانت و گوشتی: پیغمبراں کہ انسانانی نمونه و الگو اَنت آیانی کار عبادت و خلافت بوتگ. پیغمبر صلیاللهعلیهوسلم،ءَ شپاں هما اندازه عبادت کت کہ واجہءِ مبارکیں پاد گَژّ اِت اَنت و واجہءَ روچاں مسلمانانی کارانی فیصله کت و پہ پادشاهاں نامہای نبشت تا که مردماں چہ بتپرستیءَ و غیراللهءِ عبادتءَ اللهءِ نیمگءَ دعوت بدات.
واجہءَ دیمءَ اولی مسلمانانی کامیابیءِ سبب همے دوئیں کارانی عمل کنگ زانت و گوشتی: یکے چہ اولی مسلمانانی کامیابیءِ سبباں همیش اَت کہ آیاں اے دوئیں کار «عبادت» و «خلافت»ءِ سرا عمل کت.
مولانا بدریءَ گوشت: عالم و زانتکار گوش اَنت کہ ایمان گوں دو چیزءَ پوره بیت؛«التعظیم لأمر الله، و الشفقة علی الخلق» اللهءِ حکمانی جاه آرگ و مردمانی سرا رهم کنگ. اگہ انسان یکے چہ اے دوئیں کارانی سرا عمل مکنت، گڑا آ انسان ءِ ایمان کَپّ اِنت اگہ انسان بس مسجدءَ بہ نند اِیت و پہ ذکر، نماز، تلاوت و دعا گلائیش بہ بیت، گڑا بس عبادتءِ کاری کرتگ، و چہ خلافتءِ کارءَ بےهیال بوتگ و چہ دگہ نیمگے اگہ انسان همیشه ماں سازمان و هوربند و پاٹانی تهءَ هور بہ بیت و کار بکنت، مردماں پہ نیکی وادار بکنت و چہ بدی بہ روکیت، بلے وت گوں اللهءَ هچ رابطہ مکنت، آئیءِ ایمان کامل نبیت. باید هر شخصے وتی ماحولءَ پہ وتی انسانی و اسلامی وظیفهءَعمل بکنت.
واجہءَ وتی گپانی گڈسرءَ مرچیگیں جهان اسلامءِ مشکلات ءِ اصلی سبب، همے دوئیں کارانی سست گِرگ زانت و چه مردمانی لوٹ ات کہ گیشتر پہ اے دو کارءَ دلگوش بکن اَنت و چہ دگه مسلمانانی حالءَ بے هیال مہ بنت و پہ آیانی مشکلاتءِ حل یبگءَ دعا بکن اَنت.