رجب طیب اردوغان، ترکیاءِ راجمسترا رونند/غربءِ سیاست ماں اسلامی مُلکاں که په نِیمّون وتواجهی و دموکراسیءِ آرگ، دیمپانی چه انسانانی حق و هُوربندی گوں میاںرودراتک/خاورمیانهءِ محرومیں مردماں کارمرز بنت، بے سُوت و فایده زانت اَنت.
په سنیآنلاین اهوالکاریا نقل چه آناتولی خبرجاها ، رجب طیب اردوغان که یکشنبه 21 جون 2015ماں ترکیاءِ صنعتگر و باپاریانی/ بازرگانانی دبوج / افطار ءِ دیوانا حاضر اَت دَرشانی کت: «غرب حقوق بشرا په وتی راجا ضروری زانت، بلے مصر، سوریا، عراق و فلسطینءِ مردماں هچ چیز حساب نکنت.»
اردوغانا چه غرب پروگرام/برنامهیاں ماں میاں رودراتک/خاورمیانهئا سک گله / انتقاد کت و گوشتی: «غرب ماں وتی چکاسا/ امتحانا ماں منطقهئا په مراد نبیت.»
ترکیاءِ کارمسترا غربی ملکانی دِلبڈّی/حمایت چه مصری کودتاگراں سک اِیر جت و گوشتی: «غربی دولتمرداں پرچا په هزاراں مصری مردمءِ بیگواه کنوکانی وشآتکا سُهررنگیں قالی تچک کن اَنت.»
ترکیاءِ کارمسترا گڈسرا گوشت: «یورپءِ ملکاں په تروریستانی جلو گرگ نه اِشی که مار اِش هچ مددے نکتگ، بلکیں تروریستی سازمانانی کار اِش هچ وتی چما نیارتگ اَنت.»