“یارمحمد آخوند نظری” قره بولاغ ترکمن صحرا ءِ دینی مدرسهءِ کارمستر، شنبه 30 خرداد/ 3رمضان1436/ 20جون2015، چه دنیائا رکست بوت.
په سنی آنلاینءِ هالکاریءَ نقل چه محلی رسانکاں “یارمحمد آخوند نظری”، یکے چه گلستانءِ ترکمن صحرا ءِ مزنیں عالم و جهدکاراں رند چه سالانی سالءِ دینی خدمت په مردماں شنبه 30 خرداد/ 3رمضان1436/ 20جون2015، ماں وتی عمر ءِ 97 سالگیءَ ماں گرگانءِ صیاد شیرازیءِ نادراهجاه/بیمارستانا دنیائی یله دات و دیم په آخرتا رهادگ بوت.
استاد یارمحمد آخوند نظری ماں سال 1299هجری شمسی “قرهبلاغ”ءِ هنکین/روستایا ماں دینداریں لوگے چمی دنیائا پچ کت أنت. ابتدایی/بنگیجی وانگیءِ ماں “آققلا” ءِ شهرا در برت أنت. رند چه دینی مقدماتی علومءِ یاد گِرگا، گوں واجه استاد عبدالقادر آخوند داغستانیا ڈیکی وارت و إے واجهءِ شاگردیءِ کت تا که واجه داغستانیا استادی و رهدربری ءِ اجازت دات.
واجه نظریءَ ماں سال 1330 شمسی سالا “عرفانیه”ءِ دینی مدرسه ماں قره بلاغا بُنرد گپت و تا وتی عمرءِ آخری ساه و نفساں ماں إے مدرسهءَ په مسلمانانی چوک/زهگانی تعلیم/سِکّائینگا مشغول أت.
سنیآنلاین، ایرانءِ اهلسنت هالرسانی سایت، وتارا گمانی شریدار زانت و إے واجهءِ رکست/وفاتا په واجهءِ لوگیاں، ترکمن صحراءِ عالم و طالباں و په عموم اهلسنتءَ تسلیت گوشیت و په آ خدامُرزی/مرحوما چه اللهءِ بارگاها مغفرت و بکشش لوٹوک إنت.