قاهرهءِ دادگاهءَ حُسنی مبارکءِ پاکیءُبے مَیاری جار جَت

قاهرهءِ آمیدگس (دادگاه)ءَ حُسنی مبارک،مصرءِ پیسری راجکماش، چه پهکیں تهمتاں، پاکءُ بی میار کت.

إے دادگاه که شمبے (29 نوامبر / 8 آذر)ءَ گوں قاضی “محمود کامل الراشد”ءِ مستریءَ برجم دارگ بوت، حسنی مبارک چه پهکیں تهمتاں که آئیءَ جنگ بوتگ إتنت، چوشکه قدرتءُ ثروتءَ چه هراب بهر زورگءُ مصرءِ گازءَ په اسرائیلءَ بها کنگءُ تظاهرات کنوکءُ زهرشانانی کشگءَ چه، پاک بے میار کنگ بوت.
 همے پیمءَ ماں إے حکمءَ، حبیب العادلی، مبارکءِ زمانگءِ مزن وزیرءُ شش نفر دگه چه مبارکءِ پاٹیءُ شور دیوکاں بے میار زانگ بوت أنت. پیسرءَ مبارک گوں وتی إے پاٹیاں په 239نفرءِ بیران کنگءُ 1588نفرءِ ٹپی کنگءَ ماں 25 ژانویهءِ انقلابءَ تهمت جنگ بوتگ أت.
مبارکءِ پرونده که “زمانگءُ قرنءِ پرونده” گوشگ بیت، زیگیں روچ، شنبهءَ رند چه سَے سال ءُ یک ماهے سرءُ چیریءُ گِر ءُ کشّءَ گوں آئیءُ آئی وزیرانی بے میاریءَ بندگ بوت.
حسنی مبارک ماں سال2012ءَ په اَبدبندی(زندان ابدی)ءَ محکوم کنگ بوتگ أت، بلے قاهرهءِ آمیدگسءَ آ حکم بُرّ إت ءُ نوکیں حکمے په مبارکءَ  تراش إت.