- سنی آنلاین - http://sunnionline.us/balochi -

واجه مولانا جمشید علی خان وفات بوت

“مولانا جمشید” چه پاکستانءِ مزنیں عالمءُ زانتکاراں دوشنبه (12آبان1393)ءَ کوڑیں دنیائی یله دات.

په سنی آنلاینءِ هالکاریءَ نقل چه پاکستانی رسانکاں، مولانا جمشید علی خان که مدتے ماں نادراهی نُپادءَ وپتگ أت.چنت روچ پیش گوں نادراهیءِ گیش بوگءَ په “لاهور” ءِ نادرهجاهے برگ بوت،  که زیگیں روچ، دوشنبه (12آبان1393) ماں وتی عمر ءِ 85سالگیءَ دنیائی رکست کت.
واجه مولانا جمشید، جماعت تبلیغ کمکار أت ءُ چه واجه حاجی عبدالوهابءِ نزیکیں مردمان أت. همے پیمءَ واجه مولانا جمشید رائیونڈ ءِ تبلیغی مرکزءِ “شیخ الحدیث” أت، واجهءَ هزاراں شاگرد ماں جهانءِ سرتاسر ءَ هست إنت ءُ چنت هزار نفر واجهءِ دستءَ مسلمان بوتگ. خدامرزی مولانا جمشید چه مولاناحسین احمد مدنیءِ خاصیں شاگردان بوتگ.
پاکستانءِ سیاسیءُ مذهبی پاٹءُ گلاں چوشکه راجکماشءُ مزن وزیر، جماعت اسلامی پاٹءِ سرمسترءُ بازینے چه پاکستانءِ عالمءُ زانتکاراں، په واجهءِ رکست بیگءَ وتی دلپدردی ءُ اپسوزش پیش کتگ.
واجهءِ جنازه مروچی سے شنبه (13 آبان) ماں رائیونڈءِ تبلیغی مرکزءَ وانینگ بوتگ.