زندانیانی حکم وسزایانی سبک تر بوگ گوں قرآن مجیدءِحفظ کنگ،ماں اماراتءَ

دبئے پلیس ماں رمضان المبارکءَ نوکیں پروگرامے بنگیج کتگ که آ بندیگ و زندانیانے که ماں رمضان المبارکءَپهکیں قرآن مجید یا بهرے چه آئیءَ حفظ بکن أنت،آزات یا آیانی حکم وسزایانی تهاسبکی وآسانی کئیت.

په سنی آنلاینءِ هالکاریءَ نقل چه “ایکنا” : دبئی پلیسءَ ماں إے پروگرامءَ زندانی و جیل کپتگیناں فرصت داتگ تا گوں پهکیں قرآن مجید یا بهرے چه آئیءِ حفظ کنگءَ چه آزاتی ویا سزایانءِ آسان بوگءَ بهر بزیر أنت.
همے پیمءَ دبئی پلیس لوٹیت گوں خیر واهیں انجمن و گلانی مددتءَ په زندانیانی بهر زیرگءَ بازیں پروگرامے چوشکه دینی دیوان وسمینار گوں وڑوڑیں زباناں، قرآن مجیدءِ حفظ کنگءِ پروگرام، علم تجوید (قرآن مجیدءِ وش وانگ)، تفسیر، ودگه دینی و ورزشی مسابقه، برجم داریت.
“عادل السویدی” زندانیانی آموزش و تعلیم دیگ(سکّینگ)ءِ ادارهءِ مدیرءَ گوشتگ: یک خاصیں کمیته وٹیمے په إے پروگرامانی برجم دارگ و رندگیریءَ درچنگ بوتگ و آ زندانیانے که چه إے پروگراماں بهر بزیر أنت و وتی هنری و دود و ربیدگی کارءَ پیش بدار أنت، ضرور زندان و جیلءِ تخفیف وسبکی یا آزاتیءَ گِند أنت.

سرچمگ: ایکنا