رَمَـضـان ءِ بَـرکَـت

چـونـاهـی (رمـضـان)ءِ مُـبـارکـیـں مـاهءِ بَـرکَـت سَـکّ بـازاَنـت اے مُـبـارَکـیـں مـاه اللهءَ پَـہ مـئـی گـُـنـاهـانـی شـودَگ ءُ پـہ مَـئـی دلانـی سَـپـا ءُ سَـلّـہ کـنَـگ جـواں کُـرتَـگ پَـمـشءَ مـارا اے مـاه چَـہ آدگے مـاهـاں گـیـشـتـر دوسـت دارَگ ءُ ازّت دیَـگ لـوٹ ایـت ، بـوُت کَـنـت کِـہ چَـہ اے مـاهءِ دوسـت دارَگ ءُ ازّت دیَـگءَ الله مَـئـی زنـدءَ گـیـشـتـر بَـرکَـت مـاں بـہ کَـنـت.

مـاں رَمَـضـانءِ مـاهءَ دُزّے مـاں نـیـکـیـں مَـردے ءِ لـوگءَ پَـہ دزّی یے کـنـگءَ شُـت لـوگءَ دگے کَـس مـاں نـیـسـت اَت آ نـیـکـیـں مَـرد نُـمـاز وانَـگءَ اَت دُزّ ءَ لـوگءِ اے سَـرءُ آسـر چـاراِت بـلے پَـہ دُزّگءَ هـچ نـیـسـت اَت ، رَنـدا دزّ دَرکَـپـگءَ لَـگّ اِت نـیـکـیـں مَـردءَ سَـلام تَـرّایـنـت ءُ گـوَشـت واجَـہ مَـنءَ پَـهـل کَـن کِـہ تـو گـوں هُـشـکـیـں دَسـتـاں رَوَگءَئَے ، بَـلے تـو بـیـا ادا مَـنـی گـورا مَـن تَـرا یَـکّ چـیـزّے دَیـاں تـاں کِـہ تـو …گـوں هُــشـکـیـں دَسـتـاں مَـہ رَوئَے ، دُزّ وَشّ بـوُت آئـیءَ واجَـہءِ دَسـت گـپـت اَنـت ءُ چَـہ آئـیءَ پـهـلّـی لـوٹ اِت ، نـیـکـیـں مَـردءَ گـوَشـت مَـنـی گـورا هـچّ چـیـزّ نـیـسـت کِـہ مَـن تَـرا بـہ دَے اوں بَـلَے الله ءِ گـورا بـاز هَـسـت کِـہ مَـن چَہ الله چـیـزّاں تـرا بـے دَے اوں ، تـو بـیـا مَـنءُ تـو دو رُکـات نَـپـلءِ نُـمـاز وان ایـں ایـشـانـی شَـرّیءَ گـوں وَت بـہ بَـر ، دُزّءَ دو رُکـات نَـپـل وَنـت آئـیءِ دِل مـوم تَـرّاِت ءُ آرام گـپـت ، رَنـدا نـیـکـیـں مَـردءَ گـوَشـت نـوں اگـاں تـو رَوَے بُـرو دُزّءَ گـوَشـت نَـہ واجَـہ مَـنءَ بـلّ کـہ دگے دو رُکـات نُـمـاز نَـپـل بُـوانـاں ، پَـدا آ نُـمازءِ کَـنَـگءَ گـُلائـیـش بـوُت اَنـت تـاں کہ شَـپ آسَـر بـوُت رَنـدا نـیـکـیـں مَـردءَ گـوَشـت نوں اگـاں تـو لـوٹے کـہ بـہ رَوئَے گـڑا بُـرو دُزّءَ گـوَشـت نَـہ واجَـہ مَـنءَ بـلّ کِـہ تـئـی گـورا بـانـدات روچَـگ بـہ بـاں واجَـہ تَـئـی گـورا مَـنءَ دُنـیـا ءُ دُنـیـاءِ آسَـرءِ دوئـیـں مُـزّ رَسَـگءَ اَنـت ، نـوں شُـمـا بـچـاراِت کِـہ مـاں رَمـضـانءِ مُـبارَکـیـں مـاهءَ وَشّـگـَـپـی ءُ وَشّ آتـکـی چـوں پُـرّ بَـرکَـت اَنـت آ واجَـہءِ وَشّ گَـپـی ءُ وَشّ آتـکـی دُزّءِ سـلّـیـں زنـدءَ بَـدَلّ کُـرت ، شُـمـا دُوا بـہ کَـن اِت کـہ الله مَـن ءُ شُـمـارا چـہ اے پُـرّ بَـرکَـتـیـں مـاهءِ بَـرکَـتـاں بـے بَـهـر مَـہ کَـنـت (آمـیـن).

سرچمّگ: وشیــــن وطـن مــــے بـلــوچـستـــــــان