عنہ رضی اللہ قال قال رسول اللہ صلی اللہ علیہ وسلم من نفّس عن مومن کَربۃ من کُرب الدنیا نفّس اللہ عنہ کربۃ من کُرب یوم القیامۃ، و من یسّر علی مسلم یسّراللہ علیہ فی الدنیا و الآخرۃ، و من ستر مسلماً سترہ اللہ فی الدنیا و الآخرۃ، و اللہ فی عون العبد ما کان العبد فی عون اللہ، و من سلک طریقا یلتمس فیہ علماً سھّل اللہ لہ بی طریقا الی الجنۃ، و مااجتمع قوم فی بیت من بیوت اللہ یتلون کتاب اللہ و یتدارسونہ بینھم الا نزلت علیھم السکینۃ، و غشیھم الرحمۃ، و حفتھم الملائکۃ و ذکرھم اللہ فی من عندہ و من بطّاَ بی عملہ لم یُسرع بی نسبہ،، [مشکاۃ المصابیح ابواب العلم]
حضرت ابوہریرہ رضی اللہ عنہ روایت کنت کہ رسول اللہ صلی اللہ علیہ وسلمءَ فرمان کرت کہ ہر کسے کہ چہ وتی مسلمانیں براتاں چہ دنیائی شدت و تنگیاں یک سکّی و تنگی ے دور بکنت اللہ تعالی چہ آخرتءِ سکّی و تنگیاں یک تنگی و شدتے دور کنت۔ و ہر کسے کہ تنگ دستےءِ سرا نرمی و آسانی بکنت اللہ تعالی آ مردمءِ سرا دنیا و آخرتءِ تنگدستی و ناوسیءَ چہ آئی سرا دور کنت و ہر کسے چیر دات وتی مسلمانیں براتےءِ ستر و عیبے اللہ قیامتءِ روچءَ آئی ستر پوشیت و چیر دنت دنیا و آخرتءَ آئی عیبءَ۔ و اللہ تعالی وتی بندہءِ کمک و مدتءَ کنت تا وقتے کہ آبندہ وتی مسلمانیں براتءِ کمک و مدتءَ چاڑکہ بہ بیت۔ و ہر کسے کہ یک راہےءَ در کئیت آئی مقصد علمءِ حاصل کنگ انت اللہ تعالی پہ آئی دیم پہ جنتءَ یک راہے آسان کنت و ہر وقتے کہ مردم چہ اللہءِ لوگاں یک لوگےءَ جمع بنت و قران وان انت و وانین انت آیانءَ رحمتءِ فرشتہ چپ و چاگرد کنت و اللہءِ رحمت آیان پُچن انت۔ و آیانی سرءَ سکون و دلجمے ایر کنت، اللہ تعالی اشانءَ وتی دربارءِ حاضرانی تہا یاد کنت ہر کسءَ کہ آیانی عملاں پشت کپت گڈا آئی نسب و ذات آرا پش نگچیت۔
حدیثءِ روایت کنوک سیدنا ابوھریرہ رضی اللہ عنہ انت۔ اے حدیثءَ امت مسلمہءَ را چہ اندازہ یکے کرتگ اے حدیثءَ اظہار انت۔ مسلمانءِ زندگیءِ میدان و مرحلہ ایوکءَ دنیا نہ انت، مسلمانءِ مستریں جیڑہ و پریشانی آخرتءِ انت۔ ہما روچءَ کہ کس کسی نہ بیت و ہرکس وتی حید و وتی خیدءِ جیڑہ گٹّءَ لوپ بنت ہمے وہدا کہ کسءَ مسلمانے مشکل آسان کرتگ اللہ تعالی آئی دستگیر بیت۔ چہ بزاں اگر مردم کارے کنت اے نیتءَ کے چہ اے کارءَ چے دستءَ کپت۔ مسلمان کارے کنت آ اے بچاریت کہ چہ اے کارءَ دنیاءِ ہمراہیءَ آخرتءَ آرا چہ رسیت۔
’’کربۃ‘‘ سکّی و سوری و درماندگیءَ گش انت۔ دنیائے تہا باز بر چوش بیت کہ مردم درماندہ و سکّیانی دامءَ کپیت۔ اے جیڑہ و مشکل پہ ہر کسءَ گران انت پمشکا کسے کہ جیڑہ و سکّی و تنگیءِ تہا کپت بایدانت کہ مسلمان آئی دستءَ بکپت۔ و چہ اے سکّی و تنگیءَ وتی مسلمان براتءَ دربکنان شرّ انت اگر کسے چہ وتی مسلمانیں براتے سکی و تنگی دور کرت آرا چے رسیت حدیث آئی پسّہ دنت و گوشیت ’’نفس اللہ عنہ کربۃ من کربہ یوم القیامہ‘‘ اللہ تعالی چہ قیامتءِ سک و سوراں گرانیں وہدان آرا آزات کنت و راحتی و وش وہدی دنت کسے کہ وتی تنگدست و نیزگاریں مسلمانے سرا آسانی بیاریت بزاں آرا مدت بکنت و آرا چہ نیزگاریءَ و تنگدستیءَ و بے مالیءَ در بکنت اللہ تعالی آئی اے کارءِ برکتءَ دنیا و آخرتءَ پہ آئی آسانی و ہستگاری کاریت و آخرتءَ ہم آئی دستءَ پر کنت و آرا وشنود و آباد کنت۔ ہر کسے کہ مسلمانءِ عیب و گناہءَ چیر دانت الا آخر اللہ تعالی مدامی وتی مومن مسلمانیں بندہے مدت و کمکءَ کنت تا وقتے کہ مسلمان وتی سکون و دلجمی ایر کنت، اللہ تعالی اشانءَ وتی دربارءِ حاضرانی تہا یاد کنت ہر کسءَ کہ آیانی عملاں پشت کپت گڈا آئی نسب و ذات آرا پش نگچیت۔
سرچمّگ: راستیں راہ