دینی جُست وپَسّه

طلاقءِ ديگ، وابءِ تها

جست: اگاں يكےءَ وتي جنيں، وابءِ تها طلاق دات، گڑا آئيءِ جنينءِ طلاق كپ أنت يا كه ناں؟

    پسّه: آئيءِ جنينءِ طلاق نكپ أنت. ولايقع طلاق المدهوش والنائم لإنتفاء الإرادة. محمود الفتاوي: 3 /49

نمازجنازهءِ وانگ په چنت ميتءَ
جست: اگاں جنازه باز ببنت، گڑا آياني نماز جنازه چه پيمءَ وانگ ببیت؟
    پسّه: بهتر إشنت كه هر يكےءِ نماز جنازه جدا وانگ ببيت؛ بلے اگاں په پهكاں يك نمازے وانگ بيت پدا هں جائز إنت. نداي اسلام: ش8 / 81

بانگ ديگءِ وهد ماں طفلءِ گوشءَ
جست: طفلے كه تازه چه ماتءَ بيت، چه ٹيمءَ آئيءِ گوشءِ تها بانگ ديگ ببيت؟
    پسّه: خاصيں وقتے إےبارهءَ نياتكگ بلے هرچے زوذتر بانگ ديگ ببيت بهتر إنت. نداي اسلام: ش7 /71

قرآن مجيدءِ وانينگءِ حكم په جنينان ماں ماه وارگي (مريضي) وهدءَ
جست: جنينانے كه ماں كلاس حفظ يا روخواني، قرآن مجيدءَ وانگاينت و هر ماه مريض بنت گڑا مرخصي بگر أنت يا كه إے مدتءَ كلاسءَ شركت بكن أنت؟
    پسّه: جنينانے كه ماں كلاس حفظ يا روخاني، قرآن مجيدءَ وانگاينت، مريضي وهدءَ قرآنءَ گوں يك پُچّے بگر أنت و گوں يك چيزے قرآنءِ تاكاں بليٹين أنت و قرآنءِ آياتاں دلءِ تها بوان أنت. و اگاں استاد لوٹيت كه شاگردانءَ درس بدات يا كه شاگرد لوٹيت درسءَ په استادءَ بوانيت، گڑا توان أنت كه قرآنءِ كلمه ياں جدا جدا يا كلمه په كلمه بوان أنت. نداي اسلام  نمبر 42-43

مستراحءِ چاتءُ  آپ ورگي چاتءِ فاصله
جست: مستراحءِ چاتءُ آپ ورگي چاتءِ فاصله بايد تا چند متر ببيت؟
    پسّه: بايد همینچو ببيت كه نجاستءِ أثر (رنگ، بو ءُ تام)  آپ ورگي چاتءِ تها ظاهر مبيت، زمينانے كه آياني تها چات جنگ بيت چه ترنديءُ نرميءِ لحاظءَ فرق كن أنت، پميشكا يك خاصيں اندازه إے  تعيين كنگ نبيت، گڑا بايدإنت کاربلدے إے بارهءَ نظر بدات ءُ آئيءِ نظر  شرعاً معتبر‌إنت. نداي اسلام نمبر42-43

دادشاه بلوچی
سرچمّگ: اسلامءِ توار